Жоўта-чырвоныя кветкі –
Полымя жудасных дзён.
Хто мы? – Маўклівыя сведкі,
Бачым аднолькавы сон.
Шэрая, сонная маса,
Твары хаваем пад грым.
Хто мы? – Забітыя часам.
Ціха гніём, не гарым.
Наша адзiная мэта –
Быць, як заўжды, ні пры чым.
Зноў узарвуць Шарамета,
Мы, як тады, прамаўчым.
Жоўта-чырвоныя кветкі –
Полымя бруднай зямлі…
Хлопца ад рускай рулеткі
Абаранiць не змаглі.
Людзі – не лялькі, не цацкі,
Хопіць крыві, янычар.
Дзе пахаваны Завадскі
Хутка ўваскрэсне Ганчар.
20.07.2016,
Астравец
0
0
0
0
0
0
