22.07.2016 / 11:24

Былую парахаўніцу ў Берасці плануюць ператварыць у шоў-рум ФОТА 3

Крапасны парахавы склеп у Берасці, што месціцца праз дарогу насупраць уваходу ў музей «Чыгуначнай тэхнікі», у хуткім часе можа пераўтварыцца ў шоў-рум. Ідэя рэанімаваць жыццё на аб’екце належыць мясцоваму дабрачыннаму фонду «Фартыфікацыя Берасця».

Падрабязнасцямі дзеліцца дырэктар арганізацыі Андрэй Варабей:

— Я б не сказаў, што гэта будзе музей. Гэта будзе, хутчэй, турыстычны шматпрофільны аб’ект. Акрамя традыцыйнай музейнай экспазіцыі, тут плануецца зрабіць інтэрактыў у выглядзе стралковага ціру, арганізаваць магчымасць пераапрануцца ў вайсковую форму, сфатаграфавацца ў інтэр’еры, то бок, як гэта кажуць, стварыць заглыбленне ў эпоху. 

Сама парахаўніца была збудавана напрыканцы ХІХ стагоддзя і насіла абарончы характар, таму і ўзноўлены інтэр’ер будзе сугучны эпосе. Аднак што да мерапрыемстваў і касцюмаў, то часавымі перыядамі тут абмяжоўвацца не будуць. Ужо на 28 ліпеня, дату святкавання «Дня гораду», запланаваныя першыя мерапрыемствы ля парахаўніцы.

0
Ясь / Адказаць
22.07.2016 / 12:34
Беларускую мову ведаю, аніякіх “шоў-рум” у ёй не было. Зь якое халеры малпаваць ў Мову “исконно-русские” слоўцы (то бок, ангельскія зь ніжагародскім акцэнтам)?
0
Макс Дизайнер / Адказаць
22.07.2016 / 13:34
Ясь, Назвать "рум" "исконо русским словом", это я не знаю, что в голове нужно иметь. И опять во всех бедах у змагаров виновата Россия
0
кастусь / Адказаць
15.01.2017 / 00:14
Ясь, трэба яшчэ кашару пад што-небудзь прыстасавваць
Каб пакінуць каментар, калі ласка, актывуйце JavaScript у наладах свайго браўзеру