Імаверны кандыдат у прэзідэнты ЗША ад Дэмакратычнай партыі Хілары Клінтан назвала кандыдатам на пасаду віцэ-прэзідэнта сенатара ад штата Вірджынія Цімаці Кейна.
У панядзелак у Філадэльфіі адкрываецца з'езд Дэмакратычнай партыі, на якім будуць афіцыйна вылучаны кандыдаты на пасады прэзідэнта і віцэ-прэзідэнта на будучых выбарах.
58-гадовы Кейн мае рэпутацыю цэнтрыста. Ён вядомы падтрымкай пагадненняў аб свабодным гандлі і негатыўным стаўленнем да абортаў.
Вірджынія - адзін са штатаў, што не вызначыліся, дзе на выбарах чакаецца напружанае суперніцтва паміж дэмакратамі і рэспубліканцамі.
0
0
0
0
0
0
