Уся расійская каманда з 387 атлетаў не паедзе на Алімпіяду-2016 у Рыа-дэ-Жанейра ў пакаранне за допінгавыя парушэнні, пра гэта піша брытанская газета Daily Mail.
Фота ria.ru
Як паведамляе выданне са спасылкай на дасведчаныя крыніцы, Міжнародны алімпійскі камітэт мае намер пакараць ўсю зборную ў поўным складзе за расійскую «дзяржаўную допінгавую праграму».
Крыніца ў камітэце таксама распавяла, што там думаюць адхіліць Расію ад удзелу ў зімовай Алімпіядзе ў Паўднёвай Карэі. У МАК хочуць паказаць, што «допінг — атака на ўвесь спорт».
Раней паведамлялася, што алімпійскі камітэт Расіі (АКР) адправіў у аргкамітэт Алімпійскіх гульняў у Рыа-дэ-Жанейра на зацвярджэнне поўны спіс складу зборнай Расіі.
Гульні пройдуць у Рыа-дэ-Жанейра з 5 па 21 жніўня.