24.07.2016 / 12:00

Улады Магілёва не падтрымалі ініцыятыву грамадскасці па стварэнні батанічнага саду ў раёне Падміколля ФОТА 5

Улады Магілёва не пагадзіліся стварыць батанічны сад ў раёне Падміколля.

У 2014 годзе магілёўскія ўлады вырашылі стварыць у Падміколлі парк адпачынку, распачалі работы па добраўпарадкаванні тэрыторыі. Аднак многія жыгары Магілёва выступілі супраць з'яўлення ў гэтым месцы — паміж Свята-Мікольскім манастыром і Пакроўскай царквой — зоны забаў.

Была створана сустрэчная ініцыятыва — зрабіць у Падміколлі батанічны сад. Збор подпісаў за яе рэалізацыю праходзіў у розных формах — як традыцыйна, так і на розных інтэрнэт-платформах.

Ідэя знайшла падтрымку і ў Нацыянальнай акадэміі навук, дзе прызналі, што сетка батанічных садоў у Беларусі развіта недастаткова і значна саступае заходнееўрапейскім дзяржавам, Расіі і Украіне.

Улады Магілёва ў сваю чаргу заяўляюць, што размяшчэнне батанічнага сада ў Падміколлі разыходзіцца з генеральным планам Магілёва, зацверджаным указам прэзідэнта 28 ліпеня 2003 года.

Між тым, гарвыканкам мае права ініцыяваць змены генплана. «Таму інфармацыйная кампанія ў падтрымку стварэння прыроднай славутасці будзе прадоўжана», — паведаміў адзін з ініцыятараў стварэння батанічнага саду ў Магілёве Леанід Платоненка.

0
дзед Талаш / Адказаць
24.07.2016 / 12:46
Добрая думка, хай ціснуць "служкаў народу".
0
гарманіст / Адказаць
24.07.2016 / 14:01
А как с казіно у Магулёве? Есць лі там дастатачна казіно? Можа яшчэ адно не памешае ілі там саўну саўрыменную? Знаеце, лоск- эта пер'я, фішкі, танцы з шэстом, ну, как у сталіцы!
0
унтерменш / Адказаць
24.07.2016 / 19:38
Правильно Л. сказал - неухоженный город. А почему? Просто отбрыкивают хорошие идеи.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру