Нягледзячы на тое, што афіцыйна Алімпійская вёска ў Рыа ўжо адкрылася, аргкамітэту ў Рыа трэба будзе зрабіць яшчэ нямала для таго, каб умовы для пражывання адпавядалі ўсім санітарным патрабаванням.
Як інфармуе афіцыйны сайт НАК, па паведамленнях прадстаўнікоў беларускай дэлегацыі, якія ўжо прыехалі ў Рыа, па-ранейшаму ў апартаментах адсутнічае гарачая вада, халодная падаецца з перабоямі, не працуе сістэма каналізацыі, патрабуюць уборкі падлогі, вокны і лесвічныя пралёты.
Зараз супрацоўнікі НАК прыводзяць у парадак апартаменты беларускай дэлегацыі. Прадстаўнікамі медыцынскай групы ўжо практычна абсталяваны цэнтр аказання дапамогі спартсменам, дзе будуць падчас Алімпіяды працаваць нашы профільныя спецыялісты. Менеджары НАК укамплектоўваюць памяшканні штаба.
Беларускі пад'езд у Алімпійскай вёсцы.
Від з акна пакоя.
Сістэма зліву ў душах не працуе — на падлозе вада.
Ложак беларускага алімпійца.
Штодня тэрыторыя Алімпійскай вёскі апрацоўваецца ад небяспечных камароў.