27.07.2016 / 15:09

Хлопца, якога падазраюць у нападзе на настаўніцу, вярнулі ў СІЗА 2

Гімназіст, якога падазраюць у нападзе на настаўніцу рускай мовы, прайшоў псіхолага-псіхіятрычную экспертызу і цяпер знаходзіцца ў СІЗА на Валадарскага.

Пра гэта паведамляе крыніца, блізкая да Еўрарадыё. Аднакласнікі пішуць яму лісты, праўда, адказу пакуль не атрымалі. Лісты прыходзяць толькі бацькам хлопца, у якіх ён перадае прывітанні сябрам.

Згодна з інфармацыяй крыніцы, у бліжэйшы час Д. мусяць выставіць абвінавачванне. Таксама вядома, што настаўніца збіраецца працягнуць працу ў школе. Аднак пацвердзіць ці аспрэчыць звесткі дырэктар гімназіі Аляксандра Уюнова адмаўляецца:

«Мы не даём каментарыі па тэлефоне. І прыходзіць да нас не трэба».

Нагадаем, здарэнне адбылося 23 траўня ў сталічнай гімназіі №74. Па версіі следства, 16-гадовы Д. ударыў настаўніцу нажом. Жанчына была дастаўлена ў аддзяленне рэанімацыі. Цяпер яе стан стабільны. Аднакласнікі, іх бацькі, настаўнікі і трэнер станоўча характарызуюць хлопца.

Хочаш падзяліцца важнай інфармацыяй ананімна і канфідэнцыйна?

0
Iван / Адказаць
27.07.2016 / 15:21
Суд i пакаранне адпаведна з законам.
0
P.S/KOLTSOV / Адказаць
27.07.2016 / 19:39
Директор боится давать комментарии,без согласования с выше стоящим начальством.Да и не решает директор ни чего.Как с верху прикажут,так и будет потом.
Каб пакінуць каментар, калі ласка, актывуйце JavaScript у наладах свайго браўзеру