Мужчына, якому касір банка пры абмене валюты памылкова выдала лішнія грошы ў памеры 905 (9,05 млн недамінаваных) рублёў, вярнуў грошы.
Як паведаміла прэс-афіцэр Цэнтральнага РУУС Мінска Таццяна Абозная, пра тое, што яго шукаюць, мужчына даведаўся са СМІ, сам прыйшоў у банк і вярнуў памылкова выдадзеную яму суму.
«Потым у міліцыю паступіла заява ад адміністрацыі банка аб адсутнасці прэтэнзій да мужчыны ў сувязі з вяртаннем грошай», — паведаміла прэс-афіцэр.
Інцыдэнт, нагадаем, адбыўся 7 ліпеня ў аддзяленні банка па вуліцы Нямізе. Невядомы мужчына звярнуўся да касіра з просьбай аб абмене 9500 даляраў ЗША на беларускія рублі. Касір памылкова выдала кліенту на 9.050.000 недамінаваных рублёў больш.
0
0
0
0
0
0
