29.07.2016 / 22:59

На рэканструкцыю аўтадарогі Мінск—Гродна Сусветны банк выдзяляе $250 млн 4

Сусветны банк выдзяляе 250 млн. долараў на рэканструкцыю аўтадарогі М6 Мінск — Гродна, паведаміў кіраўнік прадстаўніцтва Сусветнага банка (СБ) у Беларусі Ян Чул Кім 29 ліпеня падчас цырымоніі пачатку работ па рэканструкцыі аўтадарогі.

Паводле яго слоў, гэта самы буйны праект з удзелам Сусветнага банка ў Беларусі.

Як паведамляе дзяржаўнае інфармацыйнае агенцтва БелТА, удзел у цырымоніі ўзялі намеснік прэм`ер-міністра Беларусі Анатоль Калінін і першы намеснік міністра транспарту і камунікацый Аляксей Аўраменка.

Кіраўнік прадстаўніцтва падкрэсліў, што беларускія падрадчыкі выйгралі конкурс у праекце, які фінансуецца Сусветным банкам, на будаўніцтва аўтадарогі. І беларускія падрадчыкі выступілі ў якасці генпадрадчыка. «Раней банк працаваў над мадэрнізацыяй аўтадарогі М5. Практычна 99% работ па яе рэканструкцыі выконвалі беларускія кампаніі», — адзначыў Ян Чул Кім. Паводле яго слоў, беларускія кампаніі могуць адпавядаць самым высокім стандартам і патрабаванням, якія прад`яўляе Сусветны банк у сваіх праектах.

Пры рэалізацыі праекта па рэканструкцыі аўтадарогі М6 будуць прымяняцца самыя сучасныя тэхналогіі, якія прымяняліся пры мадэрнізацыі дарогі М5, сказаў Ян Чул Кім, напрыклад сістэма дынамічнага ўзважвання. Яе ўстаноўка дазволіць узважваць грузавы аўтатранспарт без яго спынення.

Завяршыць работы плануецца ў верасні 2018 года.

0
Бусел / Адказаць
30.07.2016 / 00:52
Нарэшце, транзiтная краiна, а дарога з Гродна да Менску нармалёвая зьявiцца толькi цяпер, столькi там аварый i сьмерцяу было з-за дрэннай дарогi... Меней трэба было бл..довых палацау будуваць, а дарогi лепей. Цяпер за крэдыт будуюць, а колькi раскарадуць.
0
Казік / Адказаць
30.07.2016 / 10:10
Калі збоку не будзе паласы для велападарожнікаў, то і грошы ня трэба было даваць. А то сколькі аўтамабілістам ня дай - усе праглынуць. А запраўкі, а прыдарожны аўтасервіс. Далей хочуць гадаваць аутамабільнага монстра. А потым скажуць, а чаго ты ў руках ня веў ровар? Хай самі штурхаюць свае аўта цераз веласіпедны пераезд.
0
а ня то... / Адказаць
30.07.2016 / 11:22
"прымяняцца" - па-беларуску будзе "выкарыстоўвацца"
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру