30.07.2016 / 12:42

Пярэспа, Друкарская, Багдановіча, Мележа — зацверджаныя назвы новых станцый метро 30

На сайце Нацыянальнага прававога партала апублікаваная пастанова Мінгарвыканкама «Аб назвах станцый другога ўчастка трэцяй лініі і чацвёртай лініі Мінскага метрапалітэна».

Як вынікае з дакумента, станцыі другога ўчастка трэцяй лініі метро будуць называцца:

станцыя, размешчаная на скрыжаванні праспекта Пераможцаў і вуліцы Мельнікайтэ, — «Прафсаюзная»;

на скрыжаванні праспекта Машэрава і вуліцы Крапоткіна — «Пярэспа»;

на скрыжаванні вуліц Максіма Багдановіча і Веры Харужай — «Камароўская»;

на скрыжаванні вуліц Максіма Багдановіча і Сурганава — «Парк Дружбы Народаў»;

на скрыжаванні вуліц Максіма Багдановіча і Халтурына — «Івана Мележа»;

на скрыжаванні вуліц Шырокай і Усходняй — «Зялёны Луг»;

на скрыжаванні Лагойскага тракту і вуліцы Гамарніка — «Лагойская».

Станцыям чацвёртай лініі метро прысвоеныя назвы:

размешчанай на скрыжаванні вуліц Ташкенцкай і Галадзеда — «Чыжоўка»;

на скрыжаванні вуліцы Малініна і праспекта Ракасоўскага — «Азёрная»;

на скрыжаванні вуліцы Пляханава і праспекта Ракасоўскага — «Шэйпічы»;

на скрыжаванні вуліц Алега Кашавога і Ванеева з праспектам Ракасоўскага — «Серабранка»;

на скрыжаванні вуліц Алега Кашавога і Даўгабродскай з бульварам Трактарабудаўнікоў — «Даўгабродская»;

на скрыжаванні вуліц Уральскай і Фролікава — «Сляпянка»;

на скрыжаванні вуліц Платонава і Акадэмічнай — «Батанічны сад»;

на скрыжаванні праспекта Незалежнасці і вуліцы Сурганава — «Друкарская»;

на скрыжаванні вуліц Максіма Багдановіча, Арлоўскай і Сурганава — «Максіма Багдановіча».

Паводле інфармацыі, апублікаванай на сайце Мінскага метрапалітэна, адкрыццё 3-й і 4-й ліній запланаванае на 2017—2035 гады.

Будаўніцтва 3-й лініі працягласцю 17,2 кіламетра ўжо вядзецца. Яе першую чаргу, якая ўключае чатыры станцыі, плануецца ўвесці ў строй у 2017 годзе. Працягласць 4-й лініі метро складзе 15 кіламетраў.

0
Люстэрка / Адказаць
30.07.2016 / 12:48
Прафсаюзная - гэта ''просто позор''. Азёрная нi аб чым. Лепш далi б iмя славутага беларуса.
0
leikobel / Адказаць
30.07.2016 / 12:54
Амаль што годная рашэнне!
0
Асисяй / Адказаць
30.07.2016 / 13:02
Так что не будет кольцевой линии? Это верное решение, в Минске кольцевая не к чему.
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру