31.07.2016 / 16:01

На Магілёўшчыне ваўкі тэрарызуюць вяскоўцаў, нападаюць на фермы  14

Ілюстрацыйнае фота

За тыдзень адбылося адразу некалькі нападаў. Прадпрыемствы сельскай гаспадаркі непакояцца і заклікаюць прафесійных паляўнічых узяць пад кантроль папуляцыю драпежнікаў.

У гаспадарцы «Заранскі», што на Слаўгарадчыне, ахвярай зграі ваўкоў сталі двое цялятаў, а ў гаспадарцы «Урэчанскі» — яшчэ трое. Драпежнікі наведваліся на ферму некалькі начэй запар, пакуль кіраўнікі гаспадаркі не звярнуліся па дапамогу да паляўнічых, і тыя не зладзілі засаду.

У той жа час зацікавіць паляўнічых ісці ў лес на ваўка няпроста.

За галаву гэтага звера даюць толькі зніжку на паляўнічую пуцёўку, напрыклад, на казулю. Пры гэтым выдаткі значна вышэйшыя за абяцаныя ільготы. Аднак у Слаўгарадскім раёне прызнаюць: калі ўжо ваўкі дабраліся да фермаў, прыйшоў час ставіць паляўнічых у ружжо.

Паводле дырэктара Слаўгарадскай раённай арганізацыі Беларускага таварыства паляўнічых і рыбаловаў Аляксандра Гайчукова, паляўнічыя ведаюць пра набегі драпежнікаў і збіраюцца зладзіць паляванне.

Цяпер такі перыяд, калі ваўкі пачынаюць навучаць ваўчанятаў паляванню.

Самыя перспектыўныя месцы для трэніровак — фермы, што знаходзяцца побач з лясамі.

Відэа: АНТ.

Хочаш падзяліцца важнай інфармацыяй ананімна і канфідэнцыйна?

0
Юзiк / Адказаць
31.07.2016 / 16:08
Рэд: Дзякуй
0
гном / Адказаць
31.07.2016 / 16:14
Рэд: Дзякуй
0
монька / Адказаць
31.07.2016 / 16:43
бедныя-гаротныя ваучанятки -- няма чаго им з.есци..а усе з-за таго што кабанчыкау паадстрэльвапи быццам-бы з-за нейкага выдумлянага свинячага грыпу.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру