30.05.2008 / 11:02

Чыгір папрасіў у таксоўшчыка чэк і патрапіў у пастарунак 2

Апазіцыйнага палітыка з Бабруйску Алеся Чыгіра затрымалі каля поўначы з чацьвярга на пятніцу супрацоўнікі аддзелу міліцыі бабруйскага гарвыканкаму.

Жонка палітыка Данута Чыгір паведаміла, што ўчора ў Алеся Чыгіра быў дзень народзінаў. Ён, ягоная жонка і дачка Аліса позна ўвечары вярталіся ад сваякоў дадому таксоўкай.

«Каля дому я разьлічылася з таксістам. Алесь папрасіў у яго чэк. Таксіст пачаў сварыцца, чэк Алесю ня даў. Мы з дачкой выйшлі з таксоўкі. Тады таксіст рэзка крануўся зь месца й некуды зьехаў. Празь пяць хвілінаў мне тэлефануе Алесь і кажа, што яго таксіст і міліцыянты зьбіваюць у раёне вакзала», - паведаміла Данута Чыгір. Пасьля стала вядома, што Чыгіра затрымалі.

У аддзеле міліцыі яна напісала скаргі на імя начальніка бабруйскай міліцыі і ў пракуратуру.

Алесь Чыгір, настаўнік паводле адукацыі, быў звольнены з працы за ўдзел у выбарчым штабе Аляксандра Мілінкевіча. Пратэстуючы супраць звальненьня, ён прыкоўваў сябе да слупа насупраць будынку бабруйскага гарвыканкаму.

Данута Чыгір паведаміла, што цягам сёньняшняга дня мусіць адбыцца суд над ейным мужам.

0
Ліс / Адказаць
30.05.2008 / 13:06
Фашыстоўскія метады дзеючага рэжыму. Падарунак для Лу перад наведваннем Бабруйску. Майор тоўсцік адыгрываецца за ляпсус у саквіку.
0
Ліс / Адказаць
30.05.2008 / 14:44
Бабруйскае міліцэйскае бязмежжы зразумела. Трэба ж "тоўсціку" бараніць гонар мундзіра. Але выклікае абурэнне пазіцыя таксоўшчыка, яго адносіны да спажыўца. Які-такі мудак знаходзіўся за баранкай таксоўкі 6688ТР??? Хто гаспадар гэтай таксоўкі?? Тут не менш аднаго мільярда трэба спагнаць толькі за маральныя страты. Што адчувалі дзеткі Алеся, калі іх бацьку выкралі пачвары у пагонах???
Каб пакінуць каментар, калі ласка, актывуйце JavaScript у наладах свайго браўзеру