05.08.2016 / 14:36

За права выхаду ў Лігу Еўропы БАТЭ згуляе з казахстанскай «Астаной» 9

У швейцарскім Ньёне прайшло лёсаванне стадыі плэй-оф футбольнай Лігі Еўропы. Беларусь там прадстаўляе адна каманда – барысаўскі БАТЭ.

Супернік нашаму клубу выпала ФК «Астана» з Казахстана. «Астана» заснаваная ў 2009 годзе. У 2014 і 2015 гадах каманда станавілася чэмпіёнам Казахстана. Летась наш супернік прымаў удзел у групавым этапе Лігі чэмпіёнаў. У групе з партугальскай «Бенфікай», іспанскім «Атлетыка» і турэцкім «Галатасараем» было набрана 4 пункты. У складзе «Астаны» гуляе беларус Ігар Шытаў.

«Астана», як і БАТЭ, звалілася ў Лігу Еўропы з Лігі чэмпіёнаў. Спачатку казахі перамаглі літоўскі «Жальгірыс», а пасля саступілі шатландскаму «Селтыку».

БАТЭ аднойчы ўжо гуляў з камандай з Казахстана. У 2013 годзе наша каманда саступіла карагандзінскаму «Шахцёру» – 0:1, 0:1. Ёсць магчымасць узяць рэванш.

Першая гульня адбудзецца 18 жніўня ў Астане, 25 жніўня – у Барысаве. Пераможца пары будзе гуляць у групавым этапе Лігі Еўропы.

Зміцер Панкавец

0
Žvir / Адказаць
05.08.2016 / 15:05
Karahanda-2 ? Ci ūcynic Astana karahandu dlia BATE ? Adkaz na pytaņnie ūžo ciapier viedaje haloūny futboļny zaūziatar NN Anatoļ Sidarevič. :)
0
Друз / Адказаць
05.08.2016 / 18:56
Žvir, перавядзi, калi ласка, на нармальную чалавечую мову?
0
Žvir / Адказаць
05.08.2016 / 19:21
Друз, kalieha, a papatniec ?....:) Ci nie Vam bylo havorana, što daroha da liepšaha liazyc cieraz vuzkuju bramu ?..:))
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру