05.08.2016 / 19:24

Пры МЗС Беларусі створаць раду экспарцёраў 2

Савет экспарцёраў будзе створаны пры Міністэрстве замежных спраў Беларусі, паведамілі ў Дэпартаменце знешнеэканамічнай дзейнасці міністэрства.

Гэта прадугледжана Нацыянальнай праграмай падтрымкі і развіцця экспарту на 2016-2020 гады.

Плануецца, што ў склад савета ўвойдуць прадстаўнікі арганізацый-экспарцёраў і аб'яднанняў прадпрымальнікаў. «Савет ствараецца для выпрацоўкі канцэптуальных рашэнняў для падтрымкі нашых экспарцёраў і выяўлення канкрэтных праблемных пытанняў, што ўзнікаюць у прадпрыемстваў пры ажыццяўленні экспарту, — растлумачылі ў дэпартаменце. — Такім чынам будзе прадоўжана адрасная дапамога беларускім экспарцёрам па розных напрамках».

У ходзе рэалізацыі праграмы таксама будзе праведзена рэвізія нацыянальнага заканадаўства ў галіне падтрымкі і развіцця экспарту. «Плануецца перагляд нарматыўных прававых актаў на прадмет іх адаптацыі да бягучых эканамічных умоў», - дадалі ў дэпартаменце.

Значную ўвагу плануецца ўдзяліць павышэнню эфектыўнасці работы знешнеэканамічных і маркетынгавых службаў арганізацый-экспарцёраў. «У якасці аднаго з важных інструментаў будзе выкарыстоўвацца партал інфармацыйнай падтрымкі экспарту www.export.by», — падкрэслілі ў МЗС. Беларускім экспарцёрам таксама трэба будзе правесці работу па мадэрнізацыі сваіх сайтаў і іх мультымоўных версій з падрыхтоўкай камерцыйных прапаноў, адаптаваных пад рэгіянальныя рынкі.

0
Даже не смешно / Адказаць
05.08.2016 / 20:18
Вот интересно, много ли в департаменте работников с экономическим образованием? Что-то кажется что там те же мидовцы, которые либо консульскими вопросами занимались, либо политикой, либо экологией. Они отличат платежи от сборов? Они понимают, что делают? Было когда-то Министерство внешнеэкономических связей, там, наверное, больше понимали что такое внешняя экономика. А в Совет напихают всяких "красных" директоров, которые будут клянчить опять какой-нить поддержки от государства. блатной МИД никогда не был профессиональным в сфере экономики. Никогда и не будет. Внешняя экономика - это не рассказы о наличии демократии в стране, это не трындеж на манер ПУК, это понимать и знать надо.
0
Джонi / Адказаць
06.08.2016 / 19:16
Такую Раду трэба ствараць пры ведамствах, што адказныя за выраб тавара. МЗС у экспартнай дзейнасцi больш статыст-кансультант.
Каб пакінуць каментар, калі ласка, актывуйце JavaScript у наладах свайго браўзеру