05.08.2016 / 19:38

У Магілёве 18-гадовую дзяўчыну пакусалі італьянскія мастыфы 7

18-гадовую жыхарку Магілёва пакусалі сабакі пароды італьянскі канэ-корса, вядомыя як мастыфы.

Ілюстрацыйнае фота: pets.academ.info

3 жніўня дзяўчына трапіла ў лякарню з множнымі рванымі ранамі на перадплеччах і тулаве. Дзяўчына распавяла, што гэта здарылася ў той дзень каля пятай вечара каля лесапасадкі па 4-м Аграрным завулку. У лякарню яе прывёз выпадковы сведка здарэння, яшчэ адзін сведка выклікаў на месца міліцыю.

Агрэсіўныя сабакі належаць мясцоваму жыхару 1978 года нараджэння. Пакуль яго дзеянні могуць кваліфікаваць як парушэнне правілаў утрымання сабак, якое пацягнула за сабой нанясенне шкоды здароўю людзей або маёмасці (ч.2 арт. 15.47 КаАП). За гэта магілеўчаніна могуць аштрафаваць на суму ад 10 да 30 базавых велічынь або пасадзіць на суткі.

Калі ж высветліцца, што здароўю пацярпелай нанеслі значную шкоду, ён можа трапіць пад крымінальны артыкул, паведамляе прэс-служба УУС Магілёўскага аблвыканкама.

0
Гость / Адказаць
05.08.2016 / 20:08
Нефиг вообще разрешать заводить такие породы горожанам. Скоро крокодилов притащат.
0
дзед Талаш / Адказаць
05.08.2016 / 21:13
Сабакоўцу напыснік.
0
Верны / Адказаць
05.08.2016 / 22:02
Нада браць такі падатак на вялікіх сабак. Каб іх дзяржалі толькі вельмі багатыя людзі.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру