06.08.2016 / 12:41

Жыхар Брэста запраўляў аўто звадкаваным газам: аўтамабіль згарэў, кіроўца трапіў у шпіталь з апёкамі 1

У Брэсце на вул. Свята-Афанасьеўскай 5 жніўня адбыўся пажар у легкавым аўтамабілі «Кіа-Кларус», паведамляе Брэсцкае абласное ўпраўленне МНС.

Як аказалася, мужчына запраўляў аўтамабіль звадкаваным газам у двары жылога дома. У выніку пажару агнём аўтамабіль знішчаны. Уладальнік атрымаў апёкі 1-2 ступені абедзвюх ног, кісці левай рукі (7% цела), шпіталізаваны ў Брэсцкую абласную бальніцу.

Прычына пажару — парушэнне правілаў эксплуатацыі газавых прыладаў і агрэгатаў з боку ўладальніка аўтамабіля.

Хочаш падзяліцца важнай інфармацыяй ананімна і канфідэнцыйна?

0
Pauliuk / Адказаць
06.08.2016 / 15:16
ТРэба заўважыць, што верагодней за ўсё запраўляў самастойна, з дапамогай пэўных прыладаў перапампоўваючы з бытавога балона ў аўтамабільны. Бо літр газу ў бытавых балонах значна таньнейшы за газ на запраўках. Вось і сэканоміў недарэка...
Каб пакінуць каментар, калі ласка, актывуйце JavaScript у наладах свайго браўзеру