06.08.2016 / 22:45

У Бельгіі застрэлены мужчына, які напаў на паліцыянтаў з крыкам «Алаху акбар» 2

Мужчына, які напаў з мачэтэ на двух паліцыянтаў у бельгійскім горадзе Шарлеруа з крыкамі «Алаху Акбар», быў застрэлены паліцыяй і памёр ад ран.

«Пацверджана смерць мужчыны, які напаў з мачэтэ», — паведаміла паліцэйскае ўпраўленне Шарлеруа у сваім «Твітары».

У паліцыі таксама ўдакладнілі, што абодва пацярпелыя ў выніку нападу афіцэра жывыя. Паведамляецца, што адзін з двух параненых паліцэйскіх — жанчына.

Раён вакол ўпраўлення па-ранейшаму ачэплены. Фота: Twitter

«Я рэзка асуджаю напад ў Шарлеруа. Я ў думках з ахвярамі, іх блізкімі і паліцыяй. Мы пільна сочым за сітуацыяй», — напісаў у «Твітары» прэм'ер-міністр Бельгіі Шарль Мішэль.

Валонскі горад служыў базай некаторым з джыхадзістаў, якія стаялі за нападамі ў Парыжы ў лістападзе мінулага года і ў Бруселі ў сакавіку.

Хочаш падзяліцца важнай інфармацыяй ананімна і канфідэнцыйна?

0
аа / Адказаць
06.08.2016 / 23:19
ужо ня першы раз бачу на nn.by выраз "алаху акбар" і лічу гэта крайне непісьменным "алах акбар" азначае "алах вялікі", а не нешта кшталту "алаху слава" ці яшчэ што-небудзь алаху..
0
Jazep / Адказаць
07.08.2016 / 19:22
Ды абедзьве пацярпелыя - жанчыны паліцыянткі, што стаялі на ўваходзе. Цяжкапараненай ён ударыў мачэте проста па твары. Другой дасталася меней. Трэці паліцыянт, што быў непадалёк "скарыстаў табельную зброю". Такія "ваяры за адзінаправільную веру" ...
Каб пакінуць каментар, калі ласка, актывуйце JavaScript у наладах свайго браўзеру