Няўстойлівае надвор'е з кароткачасовымі дажджамі чакаецца ў Беларусі на гэтым тыдні, паведаміў начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў.
«Большая частка тыдня пройдзе пад знакам атмасфернага фронту, які будзе павольна перамяшчацца з паўночнага захаду на паўднёвы ўсход», — растлумачыў сіноптык.
У аўторак, 9 жніўня, умовы надвор'я на тэрыторыі Беларусі будзе вызначаць вобласць павышанага атмасфернага ціску, па паўночным захадзе краіны праявіцца ўплыў франтальнага раздзелу. Ноччу ў крайніх паўночна-ўсходніх раёнах, днём па паўночна-заходняй палавіне краіны пройдуць кароткачасовыя дажджы, месцамі магчымы навальніцы. Тэмпература ўначы складзе 9-16 градусаў вышэй за нуль, удзень будзе 24-30 градусаў цяпла, па паўночным захадзе ў дажджах чакаецца плюс 21-23 градусы.
Франтальны раздзел будзе перамяшчацца ўглыб краіны, і ў сераду кароткачасовыя дажджы пройдуць ужо ў заходніх і цэнтральных раёнах, месцамі не выключаны навальніцы. Тэмпература паветра пачне зніжацца і складзе ноччу 10-17 градусаў вышэй за нуль, днём будзе 18-25 градусаў цяпла, па паўднёвым усходзе будзе яшчэ горача — плюс 26-30 градусаў.
У чацвер, 11 жніўня, кароткачасовыя дажджы распаўсюдзяцца на большую частку тэрыторыі краіны, месцамі чакаюцца навальніцы. Тэмпература ўначы складзе плюс 10-17 градусаў, удзень будзе плюс 15-22 градусы, па паўднёвым усходзе прагназуецца 23-29 градусаў вышэй за нуль.
«Далей атмасферны фронт пакіне краіну, але пры гэтым у Беларусь будзе паступаць халаднаватая няўстойлівая паветраная маса са Скандынаўскага паўвострава. З пятніцы па нядзелю месцамі пройдуць кароткачасовыя дажджы. Тэмпература ноччу складзе 6-13 градусаў вышэй за нуль, днём будзе 17-24 градусы цяпла, па поўдні будзе цяплей, там чакаецца да плюс 26 градусаў», — паведаміў Дзмітрый Рабаў.
