Беларуская прыгажуня Аляксандра Герасіменя заваявала бронзу Алімпіяды на дыстанцыі 50 м вольным стылем. Пры гэтым яна пераўзышла свой ранейшы асабісты рэкорд і рэкорд Беларусі на 0,17 секунды — 24,11.
Першае месца заняла Перніла Блюм з Даніі (24,07), другое — амерыканка Сімона Мануэль (24,09).
Папярэдні свой рэкорд на гэтай дыстанцыі Герасіменя паставіла на Гульнях у Лондане-2012. Тады яна праплыла за 24,28, і гэта дало ёй срэбра. Тады Герасіменя ўпершыню пакаштавала алімпійскі медаль на зуб.
Развітвацца са спортам Герасіменя не збіраецца: навошта, калі яе вынікі ўсё яшчэ растуць?
0
0
0
0
0
0
