15.08.2016 / 19:37

Некалькі фактаў пра карову, якую сёння падарылі Лукашэнку + ФОТА 29

Рыхтаваць незвычайны для прэзідэнта падарунак на сельгаспрадпрыемстве «Савушкіна» сталі тыдзень-два таму. Карову, кажуць, выбралі добрую — «першацёлка, экстэр'ер, падыходзіць нават для выстаў». Cёння Аляксандр Лукашэнка наведаў найлепшую малочную гаспадарку Маларыцкага раёна, дзе яму падарылі карову.

president.gov.by

На пытанне, як паўстала ідэя незвычайнага прэзента, на сельгаспрадпрыемстве адказваюць нечакана.

— Па-мойму, Аляксандру Рыгоравічу ўжо і раней дарылі кароў, — разважае Роберт Бобін, заатэхнік СУП «Савушкіна». — Мы ж не касцюмы шыем, а вырошчваем цёлак, займаемся малочнай жывёлагадоўляй, таму і такі падарунак. Выбралі яе з больш чым 2500 нашых кароў. Адносіцца да высокапрадуктыўнай сусветнай пароды Галштынскай. Гэта самая папулярная парода малочнай жывёлы ў свеце! Нарадзілася яна ў нас прыкладна тры гады таму, а ўвесну і сама ацялілася.

Гэта, дарэчы, таксама паўплывала на выбар: «Хацелі менавіта першацёлку, бо звычайна з першым расцёлам жывёла дадае малака».

president.gov.by

Афарбоўка ў рагулі бела-чорная, характар спакойны. Есць, як тут жартуюць, з апетытам. Прыкладна тыдзень-два таму яе пасялілі ў асобны бокс, каб «яна прывыкала да чалавека, які за ёй ходзіць».

Але галоўнае, чым адрозніваецца яна ад іншых рагуляў, — добры ўдой. У дзень карова дае каля 36 кг малака!

— Ці шмат гэта? Вядома, на першацёлку — гэта вельмі добра! Калі ў сярэднім мы доім па ферме 22 кг, то гэта 36 кг! Нам бы больш такіх, — тлумачаць у гаспадарцы.

Пра тое, колькі каштуе якая карова, на ферме не гавораць: «Гэта ў грошах не вымяраецца!»

Імя, як аказалася, у каровы пакуль няма, вырашылі, што яго ёй прыдумае прэзідэнт.

Вядома толькі, што зараз жывёла ўсё яшчэ знаходзіцца на Маларытчыне. Калі падарунак плануюць забраць, пакуль што невядома.

Адзначаецца, што Аляксандр Лукашэнка з удзячнасцю прыняў падарунак.

0
а то! / Адказаць
15.08.2016 / 19:45
Прапаную імя рагулі ад шчырага сэрца - Алеся! Каб Алесь + Алеся = любоў ды удой! Ды добры прыплод. Мо яшчэ якога бычка Мікаля народзіць...
0
Алёна К. / Адказаць
15.08.2016 / 20:01
Прыгажуня кароўка, але як на мой густ, дык рудыя кароўкі больш прывабныя) Пару дзён таму, дык увогуле бачылі белых кароў, як ехалі па новай кальцавой у Валожынскім накірунку.
0
belrusindustry / Адказаць
15.08.2016 / 20:06
добры гумар
Паказаць усе каментары/ 29 /
Каб пакінуць каментар, калі ласка, актывуйце JavaScript у наладах свайго браўзеру