15.08.2016 / 20:17

Эканоміка Украіны вярнулася да тэмпаў росту 2013 года, краіна выходзіць з рэцэсіі 38

У другім квартале ВУП Украіны вырас на 1,3% у параўнанні з аналагічным перыядам мінулага года, паведаміла Дзяржаўная служба статыстыкі. Гэта максімальны паказчык з 2013 года, піша Bloomberg, адзначаючы, што апытаныя агенцтвам эканамісты чакалі росту на ўзроўні 1,7%.

AFP

Рост у другім квартале ў адносінах да папярэдняга склаў 0,6%.

Па ацэнцы эканаміста кіеўскай інвестыцыйнай кампаніі Adamant Capital Канстанціна Фастаўца, драйверамі росту эканомікі сталі гандаль і будаўніцтва. Ён мяркуе, што актывізацыя банкаўскага крэдытавання прывядзе да далейшага павелічэння ВУП Украіны ў гэтым годзе.

Эканамічны рост ва Украіне аднавіўся ўпершыню з 2014 года ў першым квартале, калі ВУП краіны ў гадавым вылічэнні павялічыўся на 0,1%. У 2015 годзе ўкраінская эканоміка скарацілася на 9,9%. Пры гэтым гадавыя тэмпы падзення зніжаліся кожны квартал.

Па выніках трэцяга квартала мінулага года Украіна тэхнічна выйшла з рэцэсіі, у якой яна знаходзілася паўтара года.

0
Юрась Беларус / Адказаць
15.08.2016 / 20:24
Вось так: Украіна паціху выпаўзае з гэбна, а мы з ім - браты навек. (((
0
belariy / Адказаць
15.08.2016 / 20:26
давайце, даражэнькія. верым у вас.
0
Павел Ас / Адказаць
15.08.2016 / 20:48
belariy, Далучаюся да добрых пажаданняў.
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру