З пачатку года пагалоўе пінскай гаспадаркі «Парахонск», якая ўваходзіць у прэзідэнцкі аграхолдынг «Мачулішчы», вырасла на 173% і склала амаль 10 тысяч галоў.
У «Парахонска» адзначаецца самы высокі тэмп прыросту пагалоўя ў краіне. Па выніках першага паўгоддзя гаспадарка выйшла на другое месца па пагалоўі (9939 галоў буйной рагатай жывёлы), амаль дагнаўшы клічаўскі саўгас «Добраахвотнік» (10 652), а таксама заняла чацвёртае месца сярод самых эфектыўных вытворцаў ялавічыны з паказчыкам па прыросце жывой масы 182,48 кілаграма на 1 сярэднюю галаву.
У першую пяцёрку па пагалоўі таксама ўвайшлі тры гаспадаркі з колькасцю галоў больш за 8 тысяч: брэсцкае «Астрамечава», аршанскі «Маяк Высокае» і баранавіцкі «Агракамбінат Мір».
Лідарам па прыросце жывой масы стала капыльская «Старыца-Агра» з вынікам 197,35 кілаграма на 1 сярэднюю карову. У пяцёрцы разам з ёй і «Парахонскам» аказалася яшчэ адна прэзідэнцкая гаспадарка «Васілішкі» (Шчучынскі раён), а таксама «Алекшыцы» з Бераставіцкага і «Прагрэс» з Гродзенскага раёнаў.