Супрацоўнікі заапарка Сімба Уалдлайф Парк у Аўстраліі зладзілі вечарыну для яхідны-альбіноса Леа, якому споўнілася шэсць гадоў. Разам са сваёй спадарожніцай Рэкс ён з'еў святочны пачастунак (зроблены з фаршу і іншых прадуктаў) і пагуляў па залітай сонцам траве.
Супрацоўнікі парку адзначаюць, што сярод яхіднаў вельмі рэдка нараджаюцца альбіносы. У дзікай прыродзе Леа б наўрад ці пражыў доўга — з белай афарбоўкай яму было б вельмі складана хавацца ад драпежнікаў. Яго знайшлі на паркоўцы, калі ён быў яшчэ дзіцянём, і выхадзілі ў парку.