17.08.2016 / 17:35

«Дзеля барацьбы з насаджэннем рэлігіі» яшчэ тры французскія гарады хочуць забараніць буркіні 9

Мэры трох французскіх гарадоў заявілі, што ўвядуць забарону на буркіні (мусульманскі купальны касцюм для жанчын) па прыкладзе Кан.

Фота travel.rambler.ru.

Мэр горада Лёкат Мішэль Пі сказаў, што плануе забараніць наведванне пляжаў тым, хто апрануты «неадпаведна маральным паводзінам і прынцыпам секулярызму».

Кіраўнік горада Уа-Плаж Аліўе Мажэвіч заявіў, што ўвядзе забарону на буркіні пасля таго, як убачыў жанчыну з закрытым целам (у тым ліку і вачамі), якая ішла на пляж.

Па словах мэра горада Ле-Туке Даніэля Фаскеля, ён забароніць буркіні «дзеля барацьбы з насаджэннем рэлігіі». «Пакуль у Ле-Туке няма буркіні, але я не хачу, каб мэрыя была заспетая знянацку», — сказаў кіраўнік горада.

Прэм'ер-міністр Францыі Мануэль Вальс падтрымаў забарону на буркіні. «Пляжы, як і любыя іншыя грамадскія месцы, павінны быць свабодныя ад рэлігіі», — сказаў Вальс. Паводле яго слоў, на ўзроўні краіны ўводзіць падобную забарону не плануецца.

Першым забарону на буркіні ўвёў мэр Кан ў канцы ліпеня, неўзабаве пасля тэракту ў суседняй Ніцы. Прыклад узялі яшчэ два гарады. Па апошніх дадзеных, у Канах ужо аштрафавалі чатырох жанчын. Штраф складае 38 еўра.

Мусульмане і грамадскія арганізацыі, якія змагаюцца з ісламафобіяй, выступілі супраць забаронаў. На іх думку, забарона на буркіні парушае правы мусульман і жанчын. Суд адмовіўся адмяніць забарону на буркіні ў Канах. Праваабаронцы плануюць падаць апеляцыю.

0
mikola ramanau / Адказаць
17.08.2016 / 17:47
Malaicy !......
0
Читатель / Адказаць
17.08.2016 / 17:52
Во-во, а по Минску мужики так ходят. Еще с какими-то амулетами до пуза.
0
Satan / Адказаць
17.08.2016 / 18:08
Давно пора. А в мечетях с церквями я бы устроил приюты для бездомных животных.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру