Іван Ціхан паказаў другі вынік у кваліфікацыі, галоўны канкурэнт не выйшаў у фінал
17 жніўня прайшлі кваліфікацыйныя спаборніцтвы сярод кідальнікаў молата. У іх удзел бралі адразу трое беларусаў — Іван Ціхан, Сяргей Каламоец і Павел Барэйша.
Двое першых справіліся з кваліфікацыяй і прайшлі ў фінальныя спаборніцтвы. А вось Павел Барэйша застаўся трынаццатым, гэта значыць першым пад рысай фіналістаў.
Сяргей Каламоец быў восьмым, паказаўшы вынік 74,29 метраў.
Іван Ціхан паказаў другі вынік. Ён ужо першым кідком выканаў кваліфікацыйны нарматыў. Пасля яго кідка молат зваліўся на адлегласці 76,51 м. Дзве астатнія спробы наш асілак нават не выконваў.
Пераўзысці Ціхана атрымалася толькі ў паляка Войцэха Навіцкага. А вось іншы прадстаўнік Польшчы — галоўны канкурэнт нашага Ціхана — увогуле не справіўся з кваліфікацыяй. Павел Файдэк прадэманстраваў толькі 17-ы вынік.
Фінал пройдзе 20 жніўня а 3 гадзіне ночы. У Ціхана ёсць усе шанцы на залаты медаль.
Каментары