17 жніўня Укантакце цалкам перайшла на новы дызайн.
1. Галоўны раздзел сайта — Навіны — стаў больш вузкім. Парадаксальна, што неабходнасць рэдызайну абгрунтоўвалася імкненнем больш эфектыўна выкарыстоўваць экран. Па факце, калі параўнаць шырыню запісаў у старой і новай версіі, навіны звузіліся на 28px.
2. Навіны — як і ўсе іншыя раздзелы — сталі ніжэй на 42px. Праз фіксаваную шапку вертыкальная прастора сайта стала меншай, трэба больш прамотваць. Гэта сур'ёзнае змяненне да горшага: менавіта вертыкальны скрол уяўляе сабой дэфіцыт на большасці дысплеяў.
3. Пры праглядзе галоўнага раздзела сайта — Навін — губляецца фокус на кантэнце. У новай версіі з'явілася візуальнае смецце ў выглядзе фіксаванай правай калонкі, якая рэдка выкарыстоўваецца. З улікам фіксаванай шапкі і вузкай шырыні, прагляд навін стаў удвая больш захламлены.
4. Пры праглядзе фота згублены фокус на самой выяве. Фота ссунутыя ўлева, а яркая пляма белай калонкі каментароў, якая з'явілася справа, перацягвае на сябе увагу. Гэта рашэнне было скапіявана з Фэйсбука, які ў свой час увёў правую калонку для размяшчэння дадатковых рэкламных блокаў.
5. Статычная левая калонка пры прамотцы старых запісаў асабістых старонак не толькі не дае патрэбнай інфармацыі, але і звужае гарызантальную прастору для прагляду запісаў у параўнанні са старой версіяй. Аналагічная сітуацыя — пры праглядзе запісаў у групах і пабліках.
6. Замена белага колеру фону на шэры не толькі паменшыла адчуванне чысціні і мінімалізму, але і ў цэлым зрабіла сайт больш сумным і пахмурным. Цёмна-шэрыя іконкі на шэрым меню злева на ўсіх старонках лішнія і ўяўляюць сабой візуальнае смецце.
7. Стары лагатып «Укантакце» лепш упісваўся ў гарызантальную шапку, чым новы лагатып «VK». Я намаляваў абодва лагатыпы досыць даўно (першы каля 10 гадоў таму, другі — каля 5), але ў рускамоўнай версіі не замяняў стары лагатып міжнародным менавіта ў сілу гэтай — досыць відавочнай — акалічнасці.
Вынік: стары дызайн Укантакце, які не мяняўся некалькі гадоў, безумоўна, меў патрэбу ў дапрацоўках і эстэтычным пераасэнсаванні ў межах новых стыляў. Аднак праведзены рэдызайн не толькі не адпавядае стандартам 15-16 года (такім, як Material), але і зніжае юзабельнасць рэсурсу.
Усе пералічаныя элементы новага дызайну былі ўсляпую скапіяваныя з Фэйсбука ўзору 2012. Фэйсбук у гэтыя гады быў вымушаны нарошчваць прыбытковасць у межах IPO, таму ў праектаванні дызайну ахвяраваў інтарэсамі карыстальнікаў дзеля магчымасці дадавання новых рэкламных блокаў. Адсюль з'явілася і правая калонка ў навінах і фотаздымках, і зніжэнне фокусу на кантэнце дзеля рэкламы.
Сёння, калі манетызацыя Укантакце пераносіцца ў «разумную» стужку і мабільныя кліенты, такія крокі не абгрунтаваныя. У 2016-м годзе Фэйсбук павінен быў капіяваць напрацоўкі Укантакце, а не наадварот.
А як вы ацэньваеце новы дызайн? Выказвайцеся ў каментарах!
