22.08.2016 / 16:09

У парку Чалюскінцаў вагончык «амерыканскіх горак» насмерць збіў адміністратара абноўлена 5

Трагедыя здарылася ўдзень 22 жніўня.

«Цяпер тут хуткая, вось ужо хвілін 15 як не з'язджае, — распавёў чытач парталу Onliner.by. — Сам атракцыён ачапілі і ўсіх адтуль адганяюць. Ужо вядома, што мужчына загінуў. Тут ёсць людзі, якія ехалі ў гэтым вагончыку, кажуць, што мужчына палез па навушнікі. Мабыць, думаў, што паспее…».

Атракцыён сапраўды ачэплены, стаіць машына хуткай. На месцы здарэння працуюць следчыя.

 «Сёння пасля абеду супрацоўнік атракцыёна, мужчына 1959 года нараджэння, зайшоў у забароненую зону падчас працы атракцыёна і быў траўмаваны кабінкай, — паведаміў «Нашай Ніве» Аляксей Клімовіч, афіцыйны прадстаўнік СК па Мінску. — У выніку ад траўмаў ён памёр на месцы. У цяперашні момант высвятляюцца абставіны здарэння, праводзіцца праверка».

Па чутках, мужчына палез за навушнікамі, якія выпалі з кішэні мінулых наведнікаў атракцыёна. Чаму ён вырашыў залезці падчас руху кабінкі — невядома.

Дарэчы, «пасажыры» той кабінкі наўпрост сышлі яшчэ да прыезду хуткай і следчых.

«Следчыя шукаюць відавочцаў і пасажыраў той кабінкі і просяць іх звярнуцца ў Першамайскі раённы аддзел Следчага камітэта ці патэлефанаваць па тэлефону 8-017-280-02-02», - сказаў Аляксей Клімовіч.

Па словах адміністрацыі парка, атракцыён належыць прыватнай кампаніі ТАА «Лета-Парк», якая арэндуе ў парка Чалюскінцаў шэраг пляцовак, на якія ставіць свае атракцыёны.

Па словах супрацоўнікаў парка, загінулы працаваў на атракцыёне з мінулага года. Схільнасцю да алкаголю не вылучаўся. 

Атракцыён раней ужо «свяціўся» у навінах. У сярэдзіне мая тут заселі людзі на вышыні 10 метраў. Тады высветлілася, што «амерыканскія горкі» сапраўды былі дастаўленыя ў парк Чалюскінцаў з Dreamland у пачатку 2015 года па прычыне нерэнтабельнасці на старым месцы.

Улад Швядовіч, фота Мікіты Недаверкава

0
mikola ramanau / Адказаць
22.08.2016 / 17:18
bolei *tudy*-ni nagoi !
0
Віктар / Адказаць
22.08.2016 / 17:28
Ужо пачынаюць паўсюль на атракцыён нагаворваць. Але трэба заўважыць, што ў мінулы раз кабінка захрасла не з-за атракцыёна, а з-за няправільнай эксплуатацыі (маса была недстатковай), а гэты выпадак - тым больш выключна чалавечы фактар. Пры вялікім жаданні забіцца насмерць можна і на любых дваровых арэлях. Дзядзьку шкада, канешне. І пасажыры, думаю, шок атрымалі яшчэ той.
0
Генэрал Голад / Адказаць
23.08.2016 / 10:59
Зноў Амэрыка вінаватая!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру