23.08.2016 / 20:45

Памёр апошні абаронца Брэсцкай крэпасці 13

У Ашдодзе (Ізраіль) памёр апошні абаронца Брэсцкай крэпасці Барыс Фаерштэйн. Пра гэта ў аўторак, 23 жніўня, паведамляе Jewish.Ru.

Ветэрану было 96 гадоў. Паводле інфармацыі партала IzRus, ён нарадзіўся 21 чэрвеня 1920 года. Фаерштэйн сустрэў пачатак вайны ў Пятым форце крэпасці. Пасля адступлення ён быў кантужаны і трапіў у палон. Выжыць удалося дзякуючы веданню татарскай мовы: падчас «селекцыі» ён назваўся крымскім татарынам Барысам Несцеравым.

У маі 1945 года ветэрана вызвалілі з фашысцкага палону і змясцілі ў савецкі фільтрацыйны лагер. Выйшаўшы адтуль, Фаерштэйн з'ехаў у Джанкой, дзе шмат гадоў працаваў настаўнікам у школе.

У 1990-х рэпатрыяваўся ў Ізраіль, дзе да апошніх дзён быў актывістам ветэранскай арганізацыі і арганізатарам шахматна-шашачных турніраў.

Выданне «Весці Ізраіль» апублікавала на сваёй старонцы ў Facebook некралог і гістарычны кадр, на якім пажылы Фаерштэйн паказаны на фоне сваёй даваеннай фатаграфіі.

0
Алекс113 / Адказаць
23.08.2016 / 21:00
Рэд. Дзякуй.
0
Белы Легіянэр / Адказаць
23.08.2016 / 21:09
Сумная навіна... Слава сапраўднаму герою! Зямля пухам...
0
кастусь / Адказаць
23.08.2016 / 21:24
трэба узнаць падрабязнасці жыцця
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру