24.08.2016 / 13:56

Маладая жанчына выпала з акна мінскага шматпавярховіка

Маладая жанчына выпала з акна шматпавярховага дома па вуліцы Магілёўскай у сталіцы. Гэтую інфармацыю пацвердзіў афіцыйны прадстаўнік УСК па Мінску Аляксей Клімовіч.

Цяпер на месцы здарэння працуе следча-аператыўная група. «У цяперашні час праводзіцца агляд, апытваюцца відавочцы і сваякі загінулай. Устанаўліваецца паверх, з якога выпала жанчына», - распавёў Аляксей Клімовіч.

Прычыны трагедыі высвятляюцца. Следчыя разглядаюць шэраг версій. Па адной з іх, гэта мог быць суіцыд.

Каб пакінуць каментар, калі ласка, актывуйце JavaScript у наладах свайго браўзеру