24.08.2016 / 22:35

Нацыянальная кухня, кавуны і сала: Лукашэнка сустрэўся са Стывенам Сігалам у сваёй рэзідэнцыі дадаліся фоты 35

Аляксандр Лукашэнка правёў сёння нефармальную сустрэчу з вядомым амерыканскім акцёрам Стывенам Сігалам. Пра гэта паведаміла прэс-сакратарка кіраўніка дзяржавы Наталля Эйсмант.

president.gov.by

Акцёр напярэдадні позна ўвечары прыляцеў у Мінск. Стывен Сігал супрацоўнічае з найбуйнейшай беларускай кампаніяй-распрацоўшчыкам анлайн-гульняў Wargaming. Зрэшты, толькі дзелавым гэты візіт не стаў: кароткая экскурсія па Мінску, знаёмства з беларускай кухняй — за суткі знаходжання ў сталіцы акцёр паспеў многае.

Наш новый коллега #SeagalOnBoard #WoWS #wargaming #stevenseagal

Фото опубликовано Аркадий Комаревич (@hu4ocu_wg)

«Сёння адбылася нефармальная сустрэча з прэзідэнтам Беларусі. Пазнаёміцца з Аляксандрам Лукашэнкам Стывен Сігал, па яго ўласным прызнанні, марыў даўно і, збіраючыся ў Мінск, настойліва прасіў пра сустрэчу. Да Беларусі стаўленне ў госця асаблівае, яшчэ і таму, што, як высветлілася сёння, Стывен Сігал — наш зямляк, ёсць яго карані і ў Беларусі», — распавяла прэс-сакратарка.

president.gov.by

Сустрэча з Лукашэнкам атрымалася «жывой і для госця вельмі пазнавальнай», з акцэнтам на сельскую гаспадарку (нагадаем, уборачная ў краіне ў самым разгары). Стывену Сігалу паказалі тое, без чаго не абыходзіцца ніводная беларускае гаспадарка, найбольш папулярныя культуры — буракі, капусту, моркву. Тут жа ў полі адбылася і першая дэгустацыя.

Назіраў сёння госць і за уборкай бульбы, а таксама бахчавых — культуры, якая становіцца ў Беларусі традыцыйнай.

«Яшчэ пяць гадоў таму складана было ўявіць, што на нашай зямлі можна будзе вырошчваць такія кавуны, і сёння яны асабліва зацікавілі госця, — адзначыла прэс-сакратарка. — За лёгкай вячэрай у рэзідэнцыі прэзідэнта стравы беларускай кухні госці каштавалі літаральна «з градкі». Даспадобы прыйшліся халаднік, бульба і, вядома, беларускае сала. Натуральныя беларускія прадукты не пакінулі абыякавымі амерыканскіх гасцей».

0
Русафоб , Змагар, Свядомы, Пан, Беларус-туркабандэравец / Адказаць
24.08.2016 / 20:46
О-о , там у Драздах не прыбраны кавуны I бульба . Засмучае толькi адно, колькi нам абыйдзецца такая уборка гароднiны?
0
кум / Адказаць
24.08.2016 / 20:53
Путинский шпион
0
Актор актора бачыць здалек / Адказаць
24.08.2016 / 20:56
Першае пытанне у Сiгала было: "Гэта вы у фiльме "Звычайны прэзiдэнт" выконвалi галоуную ролю?"
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру