27.08.2016 / 18:08

Кампанія з расійскім капіталам шукала ў Брэсце дырэктара з «чыстым маўленнем без беларускага акцэнту» 73

Партал By24.org Уладзіміра Чудзянцова заўважыў на сайце Cataloxy аб'яву ад будаўнічай кампаніі «Дойлід» («Зодчій»).

Яна была апублікаваная 10 лістапада 2015 і была актуальная да 9 сакавіка 2016 года.

Кампанія шукала ў Берасці рэгіянальнага дырэктара па продажах пад ключ драўляных дамоў, вырабленых у Расіі. Звяртае на сябе ўвагу адно з патрабаванняў працадаўцы: «актыўнасць, пісьменнае і выразнае маўленне без беларускага акцэнту».

Гэтая ўмова наўпрост супярэчыць беларускаму заканадаўству, якое забараняе дыскрымінацыю.

У артыкуле 14 Працоўнага кодэкса Беларусі гаворыца: «Дыскрымінацыя, гэта значыць абмежаванне ў працоўных правах або атрыманне якіх-небудзь пераваг у залежнасці ад полу, расы, нацыянальнага паходжання, мовы, рэлігійных ці палітычных перакананняў, удзелу ці няўдзелу ў прафсаюзах ці іншых грамадскіх аб'яднаннях, маёмаснага або службовага становішча, недахопаў фізічнага або псіхічнага характару, якія не перашкаджаюць выкананню адпаведных працоўных абавязкаў, забараняецца».

Карэспандэнт «Нашай Нівы» звязаўся з прадстаўнікамі кампаніі «Зодчій», каментар будзе атрыманы ў панядзелак.

NN.by

0
вах-вах! / Адказаць
27.08.2016 / 18:21
А з якім трэба ім маўленнем? ніжегородскім ілі вологодскім, а можа архангельскім? самово лукашэнку б адбракавалі? Можа каб хто пайшоў быццам наймацца і троху праэкаменаваў "зодчіва" самаго па рускаму языку?
0
Анцiк / Адказаць
27.08.2016 / 18:25
неяк меу стасунки у час студэнцтва з маскоуцами. дык тыя казали што у нас моцны акцэнт: другая интанацыя. накольки я зразумеу для из мы - як для нас паляки на слых - моцны уздым у канцы сказау. ну и канешне мяккае Т. для мяне было вынаходниутвам, што ёсць акцэнт
0
Бабёр / Адказаць
27.08.2016 / 18:25
Лукашэнку б не ўзялі.
Паказаць усе каментары/ 73 /
Каб пакінуць каментар, калі ласка, актывуйце JavaScript у наладах свайго браўзеру