01.09.2016 / 22:04

Апазіцыя ў Венесуэле пачала масавыя акцыі з патрабаваннем адстаўкі прэзідэнта 3

Венесуэльская апазіцыя вывела на вуліцы сталіцы краіны Каракаса тысячы людзей, якія патрабуюць рэферэндуму аб адстаўцы прэзідэнта Нікаласа Мадура.

AFP

Удзельнікі акцыі адзетыя ў белае і трымаюць плакаты, якія абвяшчаюць «Час пераменаў». Акрамя таго, дэманстрацыі запланаваны і ў цэнтры горада.

Апазіцыя патрабуе хутчэйшага правядзення рэферэндуму, накіраванага на адстаўку прэзідэнта Нікаласа Мадура.

Венесуэла знаходзіцца ў глыбокім эканамічным крызісе, прычынай якога праціўнікі Мадура лічаць яго неэфектыўную палітыку. Урад, у сваю чаргу, абвінавачвае апазіцыю ў спробе такім чынам здзейсніць пераварот у краіне.

«Калі яны нешта задумалі, плануюць путч або гвалт, то ўрад дасць нечаканы і зруйнавальны адказ», — сказаў Мадура.

Прыхільнікі прэзідэнта ўжо заявілі, што правядуць акцыі ў адказ. У адным толькі раёне Чакаа ў Каракасе 500 супрацоўнікаў паліцыі будуць ахоўваць бяспеку падчас акцыі пратэсту апазіцыі.

Акрамя таго, некалькі апазіцыйных палітыкаў былі затрыманыя напярэдадні пачатку дэманстрацыі.

0
Serg / Адказаць
01.09.2016 / 22:33
Наступнаму падрыхтавацца :)
0
Мулла Омар / Адказаць
01.09.2016 / 22:52
Лёд тронулся, господа присяжные заседатели. Нус Вован, когда твои отпускники поедут из военторга поедут бороться с боливарианским фашизмом укроиндейцев? Где распятые Кисилевым индейские мальчики?
0
awa / Адказаць
01.09.2016 / 23:04
Здалася Куба, засыпецца і Венесуэла.
Каб пакінуць каментар, калі ласка, актывуйце JavaScript у наладах свайго браўзеру