Tut.by
Беларусь атрымала другую перамогу ў кваліфікацыйным раўндзе хакейнага турніру да Алімпіяды-2018. Сёння на Мінск-Арэне беларусы выйгралі ў Польшчы з лікам 5:3 (4:2, 1:0, 0:1). Прычым падапечныя Дэйва Льюіса прайгравалі 0:2.
Нагадаем, што ўчора беларусы перамаглі Данію з лікам 5:2. Славенцы сёння выйгралі ў Даніі — 3:0.
Пасля 2 тураў: Беларусь, Славенія — 6, Данія, Польшча — 0.
Такім чынам пуцёўка на Зімовую Алімпіяду будзе разыграна ў матчы Беларусь — Славенія, што пройдзе на Мінск-Арэне ў нядзелю (17:00).
Менавіта славенцы тры гады таму ў Даніі не пусцілі беларусаў на Алімпіяду ў Сочы.
***
У хакейным турніры Алімпіяды-2018, што пройдзе ў Паўднёвай Карэі, возьме ўдзел 12 камандаў.
9 месцаў ужо забраніраваныя: Паўднёвая Карэя (гаспадыня), Канада, ЗША, Расія, Швецыя, Фінляндыя, Чэхія, Славакія. Швейцарыя (як зборныя з найлепшым рэйтынгам).
Тры пуцёўкі разыгрываюцца ў кваліфікацыі.
Апроч Мінска, праходзіць аналагічны турнір у Рызе (Латвія, Германія, Аўстрыя, Японія) і ў Осла (Нарвегія, Казахстан, Францыя, Італія).
