05.09.2016 / 14:05

Расійскія чарнасоценцы знайшлі русафобію ў помніку Аляксандру Неўскаму ў Віцебску 65

«На помніку Аляксандру Неўскаму ў Віцебску няма расійскага духу», — цытуе старшыню віцебскай грамадскай арганізацыі «Расійскі культурны цэнтр «Русь» Ігара Патапава расійскае агенцтва «Рэгнум».

Беларускія чыноўнікі, паводле меркавання эксперта, «таемна ўвасобілі свае спецыфічныя прыхільнасці», бо не паказалі ў помніку ідэі адзінства, магутнасці і абароны расійскай зямлі. Як беларускія чыноўнікі меліся ў беларускім помніку ўвасобіць такія ідэі, не паведамляецца.

Не спадабаўся Патапаву і надпіс на помніку выкананы па-беларуску.

«Нічога гэтага ў помніку Аляксандру Неўскаму ў Віцебску няма зусім, няма расійскага духу. А каб у гэтым ніхто не сумняваўся — яшчэ і надпіс на пастаменце выкананы на «белмове»», — абразліва кажа ён пра дзяржаўную мову Рэспублікі Беларусь.

Помнік віцебскай княжне Аляксандры, яе мужу Аляксандру Неўскаму і сыну Васілю быў пастаўлены ў Віцебску ў чэрвені 2016 года.

За тое, каб паставіць помнік выступала мясцовая епархія БПЦ і прарасійскія актывісты. Улады пайшлі ім насустрач. Але цяпер актывісты хочуць, каб на беларускай зямлі чужы князь стаяў не з жонкай і сынам, з войскам, як на помніку ў Пскове.

Аляксандр Гелагаеў

0
вось / Адказаць
05.09.2016 / 14:08
Служэньне хану сапраўды не адлюстравана.
0
усё для народа / Адказаць
05.09.2016 / 14:15
Ну, калі так усё кепска, трэба пераплавіць... можа, на помнік Кунцэвічу? :)
0
genik / Адказаць
05.09.2016 / 14:23
Полностью поддерживаю пророссийских активистов,памятник плохой,предлагаю его уничтожить,чтобы и память о нем на белорусской земле исчезла на веки
Паказаць усе каментары/ 65 /
Каб пакінуць каментар, калі ласка, актывуйце JavaScript у наладах свайго браўзеру