09.09.2016 / 13:41

Прэзідэнт Чэхіі назваў немагчымым вяртанне Крыма Украіне 21

Крым не можа быць вернуты Украіне нягледзячы на тое, што Расія «анексавала» паўвостраў. Пра гэта заявіў прэзідэнт Чэхіі Мілаш Земан, перадае Reuters.

Getty Images

«Анексія азначае парушэнне міжнародных пагадненняў, і гэта, несумненна, азначае, што пагадненні, якія гарантуюць тэрытарыяльную цэласнасць Украіны, былі парушаныя», - сказаў кіраўнік дзяржавы. Ён адзначыў, што, тым не менш, кіраўнік ЦК КПСС Мікіта Хрушчоў «зрабіў недаравальнае глупства», перадаўшы Крым Украіне.

«Сусветныя палітыкі прызнаюць сёння, што Крым не можа быць вернуты Украіне», — падсумаваў прэзідэнт.

Агенцтва адзначае, што Земан паслядоўна выступае супраць захавання санкцый ЕС супраць Расіі і з'яўляецца носьбітам прарасийскіх поглядаў. Ён быў адзіным заходнім лідарам, хто прыняў удзел ва ўрачыстасцях у маі 2015 года ў Маскве з нагоды Дня Перамогі.

0
Нехта / Адказаць
09.09.2016 / 14:43
Мусіць ён у 1968 годзе акупантаў з хлебам- сольлю сустракаў.
0
Пятрок Некаму / Адказаць
09.09.2016 / 15:05
Нехта, ну не зусім так. "Падчас Пражскай вясны 1968 годзе Земан стаў членам Камуністычнай партыі, аднак у 1970 годзе быў выключаны з яе за нязгоду з пактам пра ўварванне ў Чэхаславакію" https://be.wikipedia.org/wiki/Мілаш_Земан
0
дзед Талаш / Адказаць
09.09.2016 / 15:08
Яшчэ адзін аматар расійскай халявы.
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру