У БДМУ інтэрнатаўцаў прымушаюць прагаласаваць датэрмінова і з'язджаць уключна да 12 верасня. Пра гэта «НН» на ўмовах ананімнасці паведаміў студэнт медыцынскага ўніверсітэта.
Фота Дзяніса Валянскага, tut.by
Па ягоных словах, без усякіх тлумачэнняў студэнты не павінны быць у інтэрнаце па 12 верасня ўключна. Калі па нейкіх абставінах студэнт застаецца ў Мінску, то ён будзе вымушаны напісаць тлумачальную, дзе павінен пазначыць паважную прычыну.
«Калі спыталі, што рабіць 12 верасня, бо гэта панядзелак і будуць пары, то адміністрацыя ўніверсітэта адказала, што пары не з'яўляюцца паважнай прычынай».
Імаверна, што прычынай мер з'яўляецца акцыя грамадскага дзеяча Мікалая Статкевіча «За свабодныя выбары», якая пройдзе 12 верасня ў 18:00 на Кастрычніцай плошчы Мінска.
Калі вы валодаеце інфармацыяй пра парушэнні правілаў правядзення выбараў, ці вас прымушаюць ісці галасаваць — дасылайце ананімна тэкст, фота, відэа праз кнопку «Даслаць навіну» на галоўнай старонцы nn.by, альбо праз сацыяльныя сеткі Укантакце, Фэйсбук ці Твітар.
