11.09.2016 / 21:17

«Тут такая неразбярыха. На што вы будзеце глядзець?» — у Брэсце журналіста «НН» не пусцілі паназіраць за апрацоўкай пратаколаў 5

«Наша Ніва» хацела паназіраць за працай акруговай выбарчай камісіі на Брэсцкай-Памежнай акрузе №4.

Тут быў прадстаўлены амаль увесь спектр кандыдатаў. Меўся дзеючы дэпутат Уладзімір Базанаў, прадстаўнік сацыял-дэмакратаў Ігар Маслоўскі, пенсіянер-ЛДПБшнік (Валерый Папека), жанчына з калякінскага «Справядлівага свету» (Людміла Феданюк)…

Аднак, нічога не атрымалася — карэспандэнта проста не пусцілі ў будынак адміністрацыі Маскоўскага раёна Брэста, дзе і працавала камісія.

«Калі вы хацелі паназіраць за падлікам галасоў, трэба было ехаць на ўчасткі для галасавання. А ў нас тут будзе апрацоўка пратаколаў. Гэта рабочы працэс… Тут такая неразбярыха. На што вы будзеце глядзець? На працу дваццаці чалавек?

А вынікі будуць заўтра а 10 раніцы на паседжанні камісіі, прыходзьце, калі ласка», — сказала карэспандэнту «Нашай Нівы» Аксана Дутчык, старшыня акруговай камісіі №3.

Але ж мы хацелі паназіраць за працай каміісіі пад нумарам 4. Якое дачыненне да яе мае спадарыня Дутчык?

«У любым выпадку, гэта адзін і той жа працэс», — паведаміла тая, адмовіўшыся пускаць журналіста ў будынак.

Канкрэтна паведаміць, чаму журналістам нельга прысутнічаць падчас працы камісіі, Дутчык доўга не магла. У выніку, яна спаслалася на артыкул 13 выбарчага кодэксу.

Згодна з гэтым артыкулам назіральнікі могуць прысутнічаць на паседжаннях камісій — тое паседжанне і будзе 12 верасня раніцай. А падлік пратаколаў — не паседжанне. Аднак у артыкуле 13 нічога не гаворыцца пра тое, што нельга сачыць непасрэдна за працай камісій. Забароны на гэта няма.

Аднак, настаяла Дутчык, няма нічога і пра дазвол. Таму, на яе думку, журналістам назіраць за камісіяй нельга.

На тым і развіталіся.

УШ

1
Фомочкины начинают и выигрывают / Адказаць
11.09.2016 / 21:22
фальсификаторы, махинаторы и Остапы.
0
Жыве Беларусь! / Адказаць
11.09.2016 / 21:38
Цирк,а не выборы!
0
Inhvar / Адказаць
11.09.2016 / 21:44
У любым выпадку, гэта адзін і той жа працэс..пачынаючы з 1995году.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру