12.09.2016 / 11:52

Алесь Чайчыц: Мандаты Анісім і Канапацкай — гэта плацдарм Абмяркоўвайце! 27

Апазыцыя павінна выкарыстаць яго для пераменаў у Беларусі.

Усіх нас можна павіншаваць: па выніках выбараў у Палату прадстаўнікоў беларускі парлямэнтарызм падняў сваю плянку і па сваёй якасьці, нарэшце, наблізіўся да стандартаў Вэнэсуэлы, Ірану ці Азэрбайджану. Упершыню за дваццаць гадоў у парлямэнт былі абраныя (прызначаныя) прадстаўнікі альтэрнатыўных палітычных сілаў, і цяпер, як і ў Вэнэсуэле ці пуцінскай Расеі, у Палаце прадстаўнікоў будуць засядаць сапраўдныя апазыцыянэры, хай хоць два. Усё проста як у людзей.

Два чалавекі, Алена Анісім і Ганна Канапацкая, будуць прадстаўляць у Палаце прадстаўнікоў тры мільёны чалавек апазыцыйнага і беларускамоўнага электарату.

Гэта мізэрна, але перад гэтым нас з вамі там не прадстаўляў ніхто. Гэта сымбалічная і дробная, але перамога апазыцыі.

Пры гэтым зразумела, што выбары не былі дэмакратычнымі і што

Палата прадстаўнікоў і надалей не зьяўляецца прадстаўнічым органам. Маштаб парушэньняў зноў быў цалкам непрымальным.

Да ранейшых парушэньняў напярэдадні дня галасаваньня дадаліся і прымушэньне да датэрміновага галасаваньня, і відавочная фальсыфікацыя пратаколаў, і іншыя звыклыя рэчы, якія ператвараюць тэхнічную і сухую працэдуру выбараў дэпутатаў парлямэнту ў ганебны дзікунскі балаган, за які эўрапейскай краіне ў 21. стагодзьдзі мусіць быць сорамна.

Прызначэньне дэпутатаў ад апазыцыі — гэта, бясспрэчна, крок насустрач ад уладаў. Як я пісаў раней, улады ня здолелі пайсьці на правядзеньне паўнавартаснай дэмакратычнай выбарчай кампаніі, але яны хаця б ускочылі ў апошні вагон цягніка, каб адзначыцца перад Захадам хоць якім прагрэсам. Лёд усё ж-такі крануўся.

Цяпер справа за апазыцыяй: гэты адваяваны пляцдарм неабходна напоўніцу выкарыстоўваць для прасоўваньня далейшых пераменаў у Беларусі.

Апазыцыя атрымала новыя рычагі ўплыву на сытуацыю ў краіне, а Алена Анісім і Ганна Канапацкая зрабілі вырашальны прарыў у сваёй палітычнай кар’еры. Усё цікавае толькі пачынаецца.

Хочаш падзяліцца важнай інфармацыяй ананімна і канфідэнцыйна?

Алесь Чайчыц

5
Litvin / Адказаць
12.09.2016 / 13:02
Чайчыц : "апазiцыя атрымала новыя рычагi уплыву на сытуацыю у краiне..." Якiя "рычагi" ? Якi "плацдарм" ? Вы не разумееце, што абодзве кандыдаткi ПРЫЗНАЧАННЫЯ, каб ствараць вiдавочнасць дэмакратыi. Яны у такой колькасцi небяспечныя для улады i не змогуць прыняць анiякiх стваральных рашэнняу. Будуць толькi лiчыцца, што у парламэнце i цiха даседзюць да наступных выбароу. Мяркую, што лепш iм адмовiцца ад працы у парламенце, каб не надаваць яму легетымнасцi.
2
NawSpad / Адказаць
12.09.2016 / 13:27
З Венэсуэлай пакуль параўноўваць не варта, там у парламенце апазіцыянераў каля паловы (а была і адносная большасць), ды й мэры-апазіцыянеры таксама ёсць. Да вэнэсуэльскіх стандартаў яшчэ йсці ды йсці...
3
земляк / Адказаць
12.09.2016 / 13:58
абы што. Аналітык, халера, спецыяліст па ўсіх пытаннях
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру