Сябра АГП Ганна Канапацкая, пераможца выбараў на 97 Кастрычніцкай акрузе ў Мінску, была прызначаная, а не абраная ў парламент. Пра гэта паведамляе кампанія «Гавары праўду», якая вяла назіранне на ўсіх 29 участках акругі з 6 па 11 верасня.
Адзначым, што на гэтай акрузе вылучалася ў дэпутаты адна з лідараў «Гавары праўду», экс-кандыдат у прэзідэнты Таццяна Караткевіч. Таму кампанія вырашыла закрыць сваімі назіральнікамі ўсе ўчасткі акругі, аказаўшыся адзінай структурай, якая надала гэтай акрузе такую ўвагу. Але ў выніку пераможцам была аб'яўленая вылучэнка ад АГП Ганна Канапацкая.
«Гавары праўду» піша, што за час назірання 13 іх назіральнікаў былі пазбаўленыя акрэдытацыі або выдаленыя з участкаў. Такая ж доля спасцігла і пяцярых давераных асоб кандыдатаў.
— Трое назіральнікаў былі вымушаныя адмовіцца ад назірання з-за адміністрацыйнага ціску па месцы вучобы і працы.
Тым не менш, пішуць у кампаніі, удалося скласці поўныя дадзеныя аб назіранні на 27 участках з 29.
У сваёй справаздачы «Гавары праўду» піша, што яўка на акрузе № 97 была сфабрыкаваная.
— Паводле дадзеных назіральнікаў, у галасаванні ўзялі ўдзел усяго 40,6% выбаршчыкаў. Быў зафіксаваны ўкід амаль 12 тысяч бюлетэняў. Толькі за кошт гэтага ўкіду туды афіцыйная яўка склала 59,7%.
«Гавары праўду» адзначае таксама, што толькі на трох з 29 выбарчых участкаў быў адкрыты і галосны падлік галасоў.
— На астатніх назіральнікі не мелі магчымасці бачыць фактычны змест падлічаных бюлетэняў.
Кампанія робіць заключэнне, што выбары ў Кастрычніцкай акрузе № 97 не адбыліся, а дэпутат (Ганна Канапацкая) у гэтай акрузе прызначаны.
— На жаль, тры дэмакратычныя кандыдаты ў акрузе не змаглі скаардынаваць сваю працу так, каб мабілізаваць людзей на ўдзел у выбарах. Менавіта пасіўнасць выбаршчыкаў адкрыла дарогу фальсіфікацям у акрузе. Трэба дамагацца, каб прыхільнікі мірных змен не адседжваліся ў дзень галасавання па хатах і дачах, а прыходзілі на ўчасткі і забяспечвалі сваёй яўкай рэальную перамогу дэмакратычных кандыдатаў. Тады ніякія махінацыі з бюлетэнямі не дапамогуць уладам скрасці голас народа.
Цяпер чытаюць
Кіберпартызаны і хакеры Silent Crow узламалі «Аэрафлот». Яны атрымалі даныя пра ўсе пералёты1
Кіберпартызаны і хакеры Silent Crow узламалі «Аэрафлот». Яны атрымалі даныя пра ўсе пералёты
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары