16.09.2016 / 15:40

Меркель: ЕС у крытычнай сітуацыі 20

Еўрапейскі саюз знаходзіцца ў крытычнай сітуацыі, заявіла канцлер ФРГ Ангела Меркель на нефармальным саміце краін ЕС, які адкрыўся ў пятніцу ў Браціславе.

AFP

Удзельнікі сустрэчы абмяркоўваюць крокі, якія неабходна будзе распачаць пасля выхаду з Еўрасаюза Вялікабрытаніі.

Па словах Ангелы Меркель, еўрапейскія краіны мусяць прадэманстраваць, што яны здольныя ўмацаваць бяспеку на кантыненце, а таксама эфектыўна супрацоўнічаць ў эканоміцы і ў сферы абароны.

Аднак паміж краінамі ЕС застаюцца глыбокія рознагалоссі з нагоды таго, як забяспечыць эканамічны рост і што рабіць з наплывам мігрантаў.

У сталіцу Славакіі прыехалі прадстаўнікі 27 краін. Упершыню саміт ЕС праходзіць без Вялікабрытаніі, жыхары якой прагаласавалі на рэферэндуме за выхад з аб'яднанай Еўропы.

Прадстаўнікі дзяржаў паспрабуюць вырашыць, што трэба мяняць у палітыцы саюза пасля сыходу брытанцаў.

Напярэдадні саміту старшыня Еўрапейскай рады Дональд Туск заклікаў лідараў ЕС зірнуць на праблемы супольнасці «цвяроза і сумленна».

У Браціславе не плануецца прымаць якія-небудзь рашэнні або падпісваць дакументы — як тлумачаць чыноўнікі ЕС, сустрэча будзе больш падобная на «мазгавы штурм» і абмен думкамі за зачыненымі дзвярыма.

Публікуецца ў межах спецыяльнай рубрыкі «Навіны Германіі»

1
? / Адказаць
16.09.2016 / 16:06
«Меркель: ЕС у крытычнай сітуацыі» Пытанне: і хто ЕС давёў да крытычнай сітуацыі?
0
Никс / Адказаць
16.09.2016 / 16:12
Докировались. А Барозу на теплом месте.
2
Александр. / Адказаць
16.09.2016 / 16:28
Европа слаба как и россия-Иллюзия силы и больше не чего.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру