16.09.2016 / 17:14

Лукашэнка прэм'ер-міністру Малдовы: Усё, што вы пажадаеце, мы можам, усё, што трэба Малдове, у нас ёсць 12

Беларусь гатовая дапамагчы Малдове ў стварэнні сумесных прадпрыемстваў і развіцці прамысловай базы. Пра гэта Аляксандр Лукашэнка заявіў 16 верасня на сустрэчы з прэм'ер-міністрам Малдовы Паўлам Філіпам у Бішкеку, паведамляе яго прэс-служба.

president.gov.by

«Вы ведаеце маё шчырае стаўленне да Малдовы. І ўсё, што я гаварыў у час свайго афіцыйнага візіту да вас, застаецца ў сіле. Нават больш таго: усё, што вы пажадаеце, мы можам; усё, што трэба Малдове, у нас ёсць», — сказаў Лукашэнка.

На сустрэчы было адзначана, што ў Малдове ўжо створаныя сумесныя прадпрыемствы дзвюх краін, вядуцца работы па арганізацыі новых вытворчасцей. «Калі вы выбераце яшчэ нешта і будзеце зацікаўлены ў пераносе нашай вытворчасці ў Малдову, вы нам скажыце, падтрымайце з боку ўрада, і я вам даю гарантыю, што мы на працягу максімум года арганізуем у вас любую вытворчасць, — падкрэсліў кіраўнік дзяржавы. — У тым ліку мы зацікаўлены ў тым, каб і лакалізацыя ішла вялікая. Мы не настойваем, каб прывезлі па частках трактар і арганізавалі ў вас «адвёртачную» вытворчасць. Не, мы будзем садзейнічаць таму, каб вырабляць у Малдове ўсё, што магчыма. Галоўнае, каб якасць прадукцыі была добрай».

Беларусь таксама гатова павялічыць пастаўкі ў Малдову прадуктаў харчавання і нафтапрадуктаў, дапамагаць у развіцці прамысловай базы сельскай гаспадаркі, станка- і машынабудавання. «Пры гэтым мы не зацікаўлены задзіраць цэны. Вы ў нашай асобе будзеце заўсёды мець надзейных сяброў. Я перагавару з прэм'ер-міністрам, каб менавіта такой пазіцыі ён прытрымліваўся ў час свайго афіцыйнага візіту ў Малдову. Галоўнае, каб вы нам сказалі, што трэба. Усё, што мы зможам зрабіць для вас, мы абавязкова зробім, прытым як ніхто іншы», — звярнуў увагу Лукашэнка.

Ён дадаў, што і рынак Беларусі адкрыты для малдаўскай прадукцыі, у прыватнасці вінаробнай. «Галоўнае, каб яна была якаснай і пастаўлялася без шэрых схем. Вы ведаеце нашу ў гэтым плане прынцыповасць», — падкрэсліў ён.

У сваю чаргу прэм'ер-міністр Малдовы выказаў Аляксандру Лукашэнку ўдзячнасць за сустрэчу і пацвердзіў зацікаўленасць краіны ў прадаўжэнні развіваць партнёрства з Беларуссю ў розных сферах. «Пасля таго як вы наведалі Малдову, нашы адносіны сталі развівацца яшчэ больш дынамічна. Для нас гэта вельмі важна, — заявіў Павел Філіп. — Улічваючы тую хуткасць, з якой мы пачалі рухацца, мы абавязкова даб'ёмся поспеху».

1
trinken sie bier / Адказаць
16.09.2016 / 17:31
Что, предлагать, пусть вначале деньги покажет, а то добренькие, пораздают все бесплатно, типа мы богатые, а труженикам платить зарплаты нечем.
0
:)) / Адказаць
16.09.2016 / 17:34
"Мое отношение к генералам вы знаете — это штучный товар, если можно так сказать, это от природы человеку должно быть дано." 16.08.2010 «Вы знаете мое отношение к экономическим преступлениям, особенно если там попахивает коррупцией. На это мы идти не должны»29.04.2015 «Вы знаете мое отношение к окружающей среде, природе. Я об этом вынужден был даже говорить в кратком новогоднем обращении к белорусскому народу. Это непреходящая ценность, дарованная нам сверху"22 января 2013 года «Мое отношение к приватизации вы знаете. Не мы это с вами создавали, это создано несколькими поколениями, по крайней мере, мы третье поколение, которое здесь работает, и не нам с вами решать в корне эту проблему."14.08.2015 "Вы же знаете, что я всегда был за единство и целостность Украины, поэтому отсюда мое отношение. Украина должны быть единой, мы в этом кровно заинтересованы, мы - белорусы, и лично я".07.06.2014
0
алекс / Адказаць
16.09.2016 / 18:21
Я так понял что Молдове кредиты не нужны))
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру