20.09.2016 / 17:31

Затрыманыя мінскія школьнікі, якія збілі мужчыну ў тралейбусе 4

У ходзе правядзення аператыўна-вышуковых мерапрыемстваў супрацоўнікамі крымінальнага вышуку сумесна з калегамі з інспекцыі па справах непаўналетніх Заводскага РУУС Мінска высветленыя асобы непаўналетніх, якія збілі пажылога мужчыну ў тралейбусе.

Інцыдэнт адбыўся 24 жніўня. Позна ўвечары пацярпелы разам з жонкай вяртаўся дадому. На адным з прыпынкаў у тралейбус маршруту № 3, які ехаў па Партызанскім праспекце ў кірунку чыгуначнага вакзала, зайшла кампанія (хлопцы і дзяўчына). Вялі яны сябе абуральна, гучна слухалі музыку. Мужчына зрабіў ім заўвагу, што выклікала моцнае абурэнне моладзі. У выніку пенсіянер атрымаў цялесныя пашкоджанні спачатку ў тралейбусе, потым на прыпынку «Аўтазаводская».

Падазраванымі аказаліся навучэнцы адной са сталічных школ: двое 16-гадовых вучняў 10-га класа і 15-гадовы навучэнец 9-га класа. Як патлумачыў начальнік інспекцыі па справах непаўналетніх Заводскага РУУС Мінска Васіль Кахновіч, дзевяцікласнік стаяў на ўліку ў інспекцыі па справах непаўналетніх за здзяйсненне дробнага хуліганства — учыніў бойку з аднагодкамі на вуліцы.

«У дачыненні да затрыманых Заводскім раённым аддзелам Следчага камітэта распачатая справа па частцы 2 артыкула 339 (хуліганства) Крымінальнага кодэкса», — паведаміў начальнік крымінальнай міліцыі Заводскага РУУС Віталь Капілевіч.

0
Адидас Бульба / Адказаць
20.09.2016 / 17:45
спадзяюся, атрымаюць належнае
0
Вазьму твой боршч / Адказаць
20.09.2016 / 18:08
спадзяюся, насыплюць на хвост солі і перцу з імберцам.
0
90 / Адказаць
20.09.2016 / 18:41
Молодые, а уже ...! родители раскошелятся на адвокатов по полной Программе! да ещё потерпевшему заплатят прилично
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру