20.09.2016 / 21:40

У Беларусі выпушчаны 98-цалевы ультравыразны манітор для ваенных 4

У віцебскім канструктарскім бюро «Дысплей» распрацаваны відэаманітор звышвысокай выразнасці з дыяганаллю 98 цаляў і разрозненнем 3840×2160 (4K).

Як распавёў маркетолаг прадпрыемства Сяргей Гукаў, відэаманітор выпушчаны зусім нядаўна і быў анансаваны на выставе «Армія-2016», якая прайшла ў пачатку верасня ў Падмаскоўі.

Велізарны беларускі гаджэт прызначаны для прымянення ў сістэмах інфармацыйнага забеспячэння і аўтаматызаванага кіравання, для абсталявання камандных пунктаў кіравання, дыспетчарскіх, а таксама як самастойная прылада.

У апісанні да прылады паказана, што памер экрана і параметры выявы эквівалентныя памерам і параметрам відэасцен, якія складаюцца з чатырох відэаманітораў з дыяганаллю экрана 46 цаляў, «але пры гэтым, у адрозненне ад відэасцен, на выявеадсутнічаюць стыкоўныя швы».

Прылада выпускаецца ў двух мадыфікацыях з індэксамі ВМЦ-250ЖК і ВМЦ-250ЖК-У. У першым выпадку відэаманітор можа выкарыстоўвацца ў стацыянарных аб'ектах, у другім — у рухомых. Сярод характарыстык прылады — магчымасць працы пры тэмпературы ад -40 да +65°С, а таксама ва ўмовах падвышанай вільготнасці (да 98%). Падключэнне да прылады адбываецца па інтэрфейсе HDMI, а максімальная спажываная магутнасць складае 600 Вт.

У КБ «Дысплей» не ўдакладнілі цану прылады, адзначыўшы, што падобныя спецыялізаваныя абароненыя прылады прызначаныя не для масавага рынку, а іх вытворчасць вядзецца выключна пад замову.

0
Непамяркоуны русафоб, Змагар, Свядомы, Пан, Беларус-тур / Адказаць
20.09.2016 / 21:53
Прынц-маршал Коля на iм будзе дужа натуральны . Пацешнаму войску спадабаецца
0
Мік-цвік / Адказаць
20.09.2016 / 22:35
На вельмі добрай мове напісана, пабольш бы такіх артыкулаў навуковых і пазнавальных-няма да чаго дакалупацца!)а прылада не кепская!)
0
R / Адказаць
21.09.2016 / 06:08
У Беларусі няма і ніколі не было тэхналогій для вырабу такіх відэаманітораў. Максімум, што яны зрабілі - ўзялі кітайскі манітор і вырабілі для яго металічны "кулянепрабівальны" корпус і сьпераду шкло ахоўнае тоўстае паставілі. На гэтым нашыя тэхналогіі заканчваюцца.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру