Крымінальнай справай абярнулася прага экстрыму для дваццацігадовага жыхара сталіцы.
Позна вечарам 1 ліпеня ў раёне лесапаласы на вуліцы Убарэвіча ён вырашыў пракаціць на капоце сваёй «Аўдзі» дзевятнадцацігадовага таварыша. Сябар быў не супраць такога баўлення часу. Аднак на капоце аўтамабіля ўтрымацца не змог. Зляцеўшы з машыны, малады чалавек атрымаў сур'ёзныя траўмы і быў шпіталізаваны. А ў дачыненні да гора-кіроўцы Следчы камітэт пачаў крымінальную справу.
Экспертыза аднесла атрыманыя траўмы да цяжкіх, судзіць мінчука, хутчэй за ўсё, будуць па частцы 2 артыкула 317 КК РБ. Аднак усе дэталі таго, што адбылося, не высветленыя. Таму следчыя пры пошуку сведак звярнуліся па дапамогу да насельніцтва.
0
0
0
0
0
0