Стан былога прэзідэнта Ізраіля Шымона Перэса пасля двух тыдняў знаходжання ў бальніцы імкліва пагаршаецца. Сям'ю найстарэйшага палітыка краіны запрасілі ў шпіталь для развітання, паведамляе haaretz.com
Два тыдні таму Шымон Перэс трапіў у бальніцу з інсультам.
***
Шымон Перэс (Перскі) нарадзіўся 2 жніўня 1923 г. у Вішневе (сёння Валожынскі раён, тады гэта была тэрыторыя Польскай дзяржавы). У 1931 г. ягоны бацька эміграваў у Палесціну, а ў 1934 г. да яго перабраліся і жонка з дзецьмі. Сваякі Перскіх, што засталіся ў Вішневе, загінулі падчас нямецкай акупацыі.
Кар'ера Шымона Перэса налічвае больш за 70 гадоў. Ён займаў міністэрскія пасады ў 12 кабінетах міністраў Ізраіля: двойчы быў міністрам абароны, тройчы міністрам замежных спраў, міністрам фінансаў, міністрам унутраных спраў, рэгіянальнага развіцця, міністрам адсорбцыі ды інш.
У 1984—1986 гг. і 1995—1996 гг. Шымон Перэс быў прэм'ер-мііністрам, а ў 2007—2014 гг. — прэзідэнт Ізраіля.
Лаўрэат Нобелеўскай прэміі міру за 1994 г. разам з прэм'ер-міністрам Іцхакам Рабінам і палесцінскім лідарам Ясірам Арафатам.
Цяпер чытаюць
Даведаліся, як справы ў Рыгора Кастусёва — ёсць добрыя навіны1
Каментары