28.09.2016 / 17:42

Устаноўка ў кватэрах апавяшчальнікаў чаднага газу стане абавязковай 16

Устаноўка ў кватэрах апавяшчальнікаў па выяўленні чаднага газу (СО) стане абавязковай. Пра гэта паведаміў сёння на прэс-канферэнцыі галоўны інжынер сектара тэхінспекцыі ўпраўлення сістэм газазабеспячэння ДВА «Белпалівагаз» Ігар Петрык.

Да канца 2016 года апавяшчальнікі па выяўленні СО стануць абавязковымі ў дамах, дзе выкарыстоўваецца газавае абсталяванне. «Згодна з пратаколам Камісіі па надзвычайных сітуацыях пры Савеце Міністраў распрацаваны комплексны план, створана рабочая група з прадстаўнікоў міністэрстваў энергетыкі, ЖКГ, надзвычайных сітуацый, ДВА «Белпалівагаз», Дзяржпрамнагляду. Рабочая група разглядае ў якасці аднаго з новаўвядзенняў унясенне ў правілы карыстання газам у побыце ўстаноўку сігналізатараў, або апавяшчальнікаў чаднага газу, у тых жылых памяшканнях, дзе выкарыстоўваецца газавае абсталяванне з цэнтралізаваным адводам прадуктаў згарання», — растлумачыў Ігар Петрык. Змяненні павінны быць унесеныя да 31 снежня.

Галоўны інжынер УП «Мінаблгаз» Сяргей Курашэвіч дадаў, што фактычна гэта азначае абавязковую ўстаноўку ў кватэрах апавяшчальнікаў па выяўленні СО. Цяпер устаноўка апавяшчальнікаў ажыццяўляецца па жаданні ўласніка.

Апавяшчальнік пры фіксацыі СО выдае гукавы або светлавы сігнал. Гэта не тое ж самае, што пажарны апавяшчальнік. Пажарны апавяшчальнік фіксуе газы гарэння, а апавяшчальнік чаднага газу — СО. Неабходнасць устанаўліваць такія апавяшчальнікі з'явілася пасля трагедыі ў Барысаве і іншых інцыдэнтаў, калі людзі масава атручваліся чадным газам.

Сігналізатар таксама падае гукавы або светлавы сігнал, але ў адрозненне ад апавяшчальніка можа перадаваць сігнал на дыспетчарскі пункт або на адсечку для перакрыцця газу ў памяшканні.

Сігналізатар прадугледжваецца ўстанаўліваць толькі на камунальна-бытавых аб'ектах і аб'ектах невытворчага характару. Апавяшчальнік чаднага газу беларускай вытворчасці каштуе Br22. Ён будзе набывацца і ўстанаўлівацца самімі ўласнікамі.

2
leikobel / Адказаць
28.09.2016 / 18:16
А ці можна ўстанаўліваць імпартныя прыборы і дзе іх можна набыць?
3
Анцiк / Адказаць
28.09.2016 / 18:18
норм
0
Касперович / Адказаць
28.09.2016 / 18:21
Ооо, очередной способ срубить бабла
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру