28.09.2016 / 19:18

Хокінг заклікаў чалавецтва ўцякаць з Зямлі 12

Вядомы брытанскі фізік Стывен Хокінг заклікаў чалавецтва пакінуць Зямлю і каланізаваць іншыя планеты. Гэтую думку ён выказаў у кнізе How To Make A Spaceship («Як пабудаваць касмічны карабель»), урывак з якой днямі апублікавала выданнеThe Guardian.

Space & Universe

«Я веру ў магчымасць камерцыйных касмічных падарожжаў — для даследавання і захавання чалавецтва, — разважае Хокінг. — Я лічу, што жыццё на Зямлі знаходзіцца ў пастаянна растучай небяспецы быць знішчанай у выніку катастрофы — такой як раптоўная ядзерная вайна, генетычна сканструяваны вірус або іншыя небяспекі. Я думаю, што чалавецтва не мае будучыні, калі не выйдзе ў космас».

Смяротна небяспечнымі фізік-тэарэтык лічыць бурнае развіццё штучнага інтэлекту і глабальнае пацяпленне клімату.

«Нам трэба натхніць новае пакаленне на цікавасць да космасу і навукі ў цэлым, каб яны задаліся пытаннем: Што мы знойдзем у космасе? Ці ёсць іншапланетнае жыццё або мы адны? Як выглядае заход сонца на Марсе?»

У цэлым развагі фізіка прысвечаныя таму, што ён не баіцца прыгод, нягледзячы на тое, што правёў 40 гадоў у інвалідным вазку. Навуковец успомніў уласнае падарожжа ў бязважкасці на Boeing 727 і згадаў існуючыя праекты ў галіне прыватнай касманаўтыкі. Ён адзначыў, што верыць у будучыню камерцыйных палётаў у космас. «Мае колы тут, на Зямлі, але я не перастану марыць», — піша ён. 

0
Змітро / Адказаць
28.09.2016 / 19:40
Тое яшчэ Вербер у сваёй белетрыстрыцы згадваў
0
хамса / Адказаць
28.09.2016 / 19:46
ён пералічвае небяспекі, якія сыходзяць ад чалавека.. як быццам, калі чалавек пераселіцца на іншыя планеты, ён перастане быць крыніцай тых небяспек..
0
Гы / Адказаць
28.09.2016 / 19:59
Остановите Землю, я сойду. И может, это будет завтра.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру