Выключэньне А.Міхалевіча з Партыі БНФ намесьнік старшыні партыі В.Вячорка назваў «завяршэньнем непрыемнага разбуральнага працэсу, які падточваў партыю».

«Ніякіх расколаў і новых крызысаў тут няма. Гэта элемэнтарнае навядзеньне парадку напярэдадні вельмі важных палітычных кампаніяў, калі палітычная партыя павінна быць рэальна згуртаванай. Я ня думаю, што будуць нейкія дэмаршы. Рэч у тым, што канкрэтныя прэтэнзіі да спадара Міхалевіча выказваліся даўно, і на папярэднім Сойме старшыня партыі Лявон Баршчэўскі сказаў, што пасьля парушэньняў Міхалевіча, якія падрываюць дысцыпліну ў арганізацыі, ён не бачыць магчымасьці знаходзіцца зь ім у адной партыі».
Паводле В. Вячоркі, Міхалевіч застаецца сябрам грамадзкага аб’яднаньня БНФ «Адраджэньне» і за ім захаваецца акруга на будучых выбарах у парлямэнт:
«Мы перакройваць з такой цяжкасьцю ўзгодненую схему акругаў ня будзем, тут нам важней паразуменьне аб’яднаных дэмакратычных сілаў».
Цяпер чытаюць
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс

«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Каментары