Паўтарыць подзьвіг туркаў камандзе Швэцыі не ўдалося.
У другім матчы дня Грэцыя ў матчы, які ўжо нічога не значыў, чарговы раз прайграла, гэтым разам Гішпаніі – 1:2
Турнірнае становішча: Гішпанія – 9, Расея – 6, Швэцыя – 3, Грэцыя – 0.
Чэмпіёны Эўропы --2004 сталі на сёлетнім турніры адзінай камандай, якая не набрала ніводнага балу.
Такім чынам зборная Расея ў чвэрцьфінале ў суботу згуляе са зборнай Галяндыі, якая паказвае на чэмпіянаце прыгожы футбол і выйграла ўсе тры матчы групавога турніру.
Нагадаем, што зборную Расеі трэніруе галяндзкі спэцыяліст. Гуус Хідынк вазіў галяндцаў на Эўра-1996, дзе яны вылецелі ў чвэрцьфінале, і на чэмпіянат сьвету – 1998, дзе занялі 4-е месца.
***
Поўны склад чвэрцьфінальных параў
№1. Чацьвер, 19 чэрвеня. Партугалія – Нямеччына
№2. Пятніца, 20 чэрвеня. Харватыя – Турцыя.
№3. Субота, 21 чэрвеня. Галяндыя – Расея
№4. Нядзеля, 22 чэрвеня. Гішпанія – Італія.
У першым паўфінале 25 чэрвеня згуляюць пераможца матчу №1 зь пераможцам матчу №2. У другім паўфінале 26 чэрвеня – пераможца матчу №3 зь пераможцам матчу №4.
Пачатак усіх матчаў у 21:45.