12.10.2016 / 17:21

На «Оскар» вылучаная рэкордная колькасць фільмаў на замежнай мове

На прэмію «Оскар» сёлета вылучаная рэкордная колькасць фільмаў на замежнай мове, перадае Variety. Па паведамленнях выдання, на атрыманне прэстыжнай кінапрэміі вылучана 85 карцін, што на 2 карціны перавышае колькасць заявак у 2014 годзе.

Адзначаецца, што сёлета за прыз ўпершыню пазмагаецца Емен (фільм Хадзіджы аль-Салямі «Я Наджум, мне 10 і я разведзеная»).

Кароткі спіс з 10 карцін Амерыканскай кінаакадэміяй будзе абвешчаны ў канцы снежня. Намінанты будуць абвешчаныя 24 студзеня, а сама цырымонія ўручэння «Оскара» адбудзецца 26 лютага 2017 года.

Каб пакінуць каментар, калі ласка, актывуйце JavaScript у наладах свайго браўзеру